陳卓賢全新派台作品〈正式開始〉 赴日本拍攝女友視覺MV冧粉絲

KKBOX編輯室

Mirror成員陳卓賢(Ian)第三首Solo派台歌〈正式開始〉於今日正式公開,歌曲因為是一首冧爆的情歌,所以Ian早前與工作人員到日本拍攝歌曲MV,並以女友視覺拍下Ian暖男一面,並特別於情人節作首播,作為送給粉絲的情人節禮物。

Ian向來疼錫粉絲,所以今次MV導演莊少榮想到要以女友視覺拍攝,Ian表示特別挑選於情人節當禮物送給粉絲是件十分sweet的事,Ian說:「同fans去旅行比較難實現,所以今次〈正式開始〉MV以女友視覺拍攝,感覺就好似我帶住大家去旅行。我好鍾意日本,而且日本點拍都靚,加上我首歌同平時Mirror嘅跳唱歌曲唔同,靜態少少,所以只係行下街食下嘢都已經呈現出好sweet嘅感覺,而且畫面仲幾好睇添!」

〈正式開始〉由陳詠謙填詞,講述一對情侶剛開始拍拖時的情景,因為仍有曖昧感覺,仍有少少怕醜,所以Ian在MV裡都要演繹出腼腆、拘謹的一面,但Ian覺得畫面正好表達出那份戀愛感覺,他說:「MV裡面我會做好多嘢氹女友開心,但同時又會表現怕醜尷尬,相信大家睇嘅時候會有共鳴。」

今次是Ian單人匹馬到自己很喜歡的日本拍攝個人MV,所以即使只在日本逗留短短兩天,他也十分開心,不過到埗當日氣溫低至零度,再加上要在室外拍攝,Ian起初在飛機上聽到機長報告天氣時也嚇了一跳,不過幸好只是「舒服凍」,加上空氣和天氣都很好,所以Ian在拍攝期間都忘卻了一切,投入拍攝。

反而他比較留意的是導演莊少榮的神情,Ian說:「導演神情好嚴肅,所以每分每秒我都會觀察佢嘅表情,有時怕導演佢等得太耐會嬲,所以我會快快追上緊貼佢嘅腳步,但其實佢人好nice,只係工作時好嚴肅認真,氣場令人怯,但行去下一個location時會傾偈。」Ian更大讚導演經驗豐富,又熟悉日本,其中一幕刻意挑選較多上班族聚集的新橋拍攝,好等穿著較鮮艷的Ian可以在穿上黑衣的上班衫之間穿梭行走,以突出畫面,這令Ian十分難忘。


除了拍攝上的難忘事,Ian被問到難忘的情人節,他笑言:「都係冇乜budget、低成本嘅情人節,通常都係DIY一啲禮物,同埋自己煮飯俾女朋友食,因為出街又逼,洗費又貴,冇budget下自己煮,效果都唔錯!」

即聽〈正式開始〉,甜蜜戀愛

KKBOX編輯室

編輯室