陳柏宇生日騷中過36歲 全場歌迷唱生日歌兼秘密拍片祝賀

陳柏宇生日騷中過36歲  全場歌迷唱生日歌兼秘密拍片祝賀
KKBOX編輯室
KKBOX編輯室

陳柏宇 Jason 的「SPEECHLESS演唱會」繼續唱不停!繼上月到吉隆坡演出後,20日晚也在深圳福田體育館舉行,適逢前日是 Jason 的36歲生日,全場歌迷一起為他唱生日歌慶祝,令 Jason 開心又感動!

演唱會由 Jason 的小師妹黃妍 Cath 擔任暖場嘉賓,演唱〈慢慢喜歡你〉和〈笑容迷路了〉。首次擔任 Jason 演唱會嘉賓的 Cath ,坦言心情緊張,她說:「因為未試過喺咁大嘅場地唱歌,好彩團隊鼓勵我好多,令我充滿力量。上次我睇 Jason 『SPEECHLESS演唱會』喺紅館,當時我未出道,係以觀眾身份去睇,估唔到下一次我就變成暖場嘉賓,成件事好神奇、好感恩,係一個好好嘅經驗同好享受。」

其後輪到抱病上陣的 Jason 現身演唱〈霸氣情歌〉等人氣作品。他在台上透露擔心病情影響演出,幸好綵排時一切順利,他笑着向觀眾說:「不過對你哋嚟講都冇乜影響,因為你哋已經俾咗錢無得退,無論我把聲幾爛,你哋都要坐喺度聽。」觀眾聽到後也笑着叫 Jason 「回水」。而當 Jason 提起寶貝女Abigail與太太符曉薇 Leanne 也有在現場睇騷時,顯得格外精神,他再跟觀眾開玩笑:「大家望我個女呢,又貴少少㗎喎,張飛會多廿蚊!」調皮的 Jason 更叫 Leanne 幫手遮女兒的樣子,引得觀眾爆笑。

當晚的焦點當然是 Jason 生日,今次再擔任演唱會嘉賓的葉巧琳 Mischa 上台透露在演出前一晚送上蛋糕為 Jason 慶祝。 Jason 也指今年生日很特別,因為可以在演唱會中與粉絲度過,他說:「人越大越發覺生日係唔需要去慶祝嘅,但有人同自己慶祝係開心嘅,今年生日又特別啲,喺演唱會中度過。」他更叫粉絲在演唱會後,心中想着「為了慶祝陳柏宇生日」而去吃蛋糕,算是遠距離為他慶祝。

Jason 唱〈磚頭〉後,現場大螢幕播出 Jason 的粉絲預先錄製生日祝福的短片,不知情的 Jason 看完短片後難掩感動,但隨即又笑言:「做咩成日都有啲嘢隱瞞住我,但又喺我演唱會度出現?」之後樂隊更奏起生日歌, Jason 帶頭與全場歌迷祝賀自己,之後更與全場大合照作紀念。

Jason 的「SPEECHLESS演唱會」另一焦點是他大騷肌肉,但上月在馬來西亞站以除鞋「找數」的他,昨晚多次被觀眾大叫要求「除衫」,一向樂於滿足粉絲的 Jason 再拒絕:「唔除衫就熱,但除咗就凍,又熱又凍,我病緊㗎。」後來他提議樂手代他完成「除衫任務」,場面相當搞笑。

Jason 也在台上指,由於較少機會到當地曝光,他坦言也曾擔心票房問題,但昨晚看到全場滿座,他感謝粉絲支持。可能看到粉絲反應熱烈,加上生日心情high, Jason 除了選唱從未在這系列演唱會唱過的〈認真如初〉之外,更臨時加碼 encore 演唱〈回眸一笑〉,由於是即興表演,在沒有綵排下,樂隊與 Jason 展現最自然的一面,粉絲們滿載而歸。




即聽「陳柏宇 SPEECHLESS 演唱會 2017」,祝Jason生日快樂

KKBOX編輯室
KKBOX編輯室

延伸推薦專輯

最新文章列表

    share to facebook share to facebook share to facebook share

    使用 Ctrl + C 複製