張敬軒新歌玩葬禮 每年更改遺囑 腦海浮現最愛是誰

  • 本地
  • 男歌手
  • 本地流行MV
KKBOX編輯室

張敬軒昨日(8號)推出新歌〈感情寄生族〉。軒仔今年推出的三首歌是關於三種不同的生死態度:〈YOU〉講述生存與尋找自我的態度;〈空手而來〉是在困境中掙扎求存的折磨;而這首〈感情寄生族〉則是面對和領悟生死的必經過程。導演用葬禮去詮釋一段感情中的最後階段。無論情感上,還是生理上,都畫上一個句號的時候,所有東西就會回復平靜。

面對生死,軒仔分享自身經歷:「過去呢一年,我都有同『死亡』好接近嘅經歷,譬如我廣州屋企養嘅一隻狗仔今年走咗,佢十六歲,陪伴咗我同爸爸媽媽好長嘅時間。之前有個舊同學,同我一樣三十八歲,都係走咗。」眼看身邊人離去,軒仔亦透露自己早已立下遺囑:「喺我入咗行大概六、七年,一位圈中前輩提醒我要識得規劃未來生涯,當中包括訂立遺囑。我好記我第一次上律師樓立平安紙嘅時候,簽名嗰刻係好震憾!第一年簽覺得好大吉利是,之後每年去更改嘅時候,又加咗啲新嘢入去。當你開始去模擬一個所謂葬禮嘅時候,你會知道自己最愛係邊啲人。」

除此之外,這次MV導演及女主角延續了〈空手而來〉的班底,可以說是其續集。軒仔坦言導演Sheng Wong和Matthew Chan的審美最吸引他,軒仔表示:「我覺得審美對於我嘅MV嚟講,愈嚟愈重要。今次選擇喺六、七十年代嘅教堂拍攝,佢哋對畫面嘅講究和審美一啲都唔俗套。」至於女主角談善言,軒仔笑說她以後應該不會再為自己拍MV。軒仔分享到:「今日嚟到拍攝場地見到佢,咦?隻眼做乜腫晒嘅?同上次係一樣㗎!我好appriciate阿談好專業幫我演出呢個MV。佢哋今朝拍攝咗一個葬禮嘅場面,有好多情感激烈同沉重嘅場面,希望可以帶嚟更高嘅視覺美感同水平。」

歌曲製作方面,作曲找來曾為多位天王天后寫過優秀作品的徐繼宗,填詞有林若寧,編曲方面再次找來對劇情和音樂性掌控力極高的大師Mac Chew。MV在氣氛的鋪墊中,由壓抑到撕裂的層次分明,再次深情打造處2019年最具感染力的情歌。

即聽〈感情寄生族〉,一起為愛而生

KKBOX編輯室

編輯室

延伸推薦專輯