古巨基出錢出力撐好兄弟 為方力申獻出「第一次」

  • 熱話
KKBOX編輯室

方力申日前為「點滴是生命」籌款展開香港環島游45公里慈善挑戰。為完成創舉,小方連月來不斷訓練,不少藝人朋友都為他打氣,古巨基更身體力行在凌晨時份到小方家中,接他出戰環島游,給予最大鼓勵!

到達小方家中,基仔先訪問方媽媽會否替兒子緊張。媽媽直言:「都有啲緊張,擔心就梗有㗎啦!」方媽媽又指小方在決定挑戰環島游前並沒有和她商量過,令基仔相當驚訝。基仔又問方媽媽最初聽到時有甚麼感覺,方媽媽立刻回應:「哇!最好唔好啦!你知做啊媽嘅梗係心痛啦,12個鐘喎!」小方知道基仔來到家中,立刻下樓與基仔擁抱。兩人提到現時籌款額已逾700萬,已超越原定目標450萬。小方表示自己雖然已訓練數月,但從沒有真正游過45公里,所以覺得這個挑戰很剌激:「就算我游到30公里,都唔知我仲可唔可以游到更多,要視乎水流、天氣。」小方又笑言可能會被泳褲刮傷。

小方提到今次挑戰除了有一眾親朋好友大力支持外,就連平日自己的司機都主動贊助接載他的家人、工作人員等,指他們就像基仔一樣主動。小方又大讚:「基仔除咗捐錢、問候我、接載我、接濟我,仲幫我籌埋錢。籌埋錢呢個先最難啊嘛,知唔知我面皮幾簿啊?但基仔幫我籌錢!」基仔又問道還有甚麼能幫忙,小方笑指:「你知啦游12個鐘,要曝曬,有啲位我又掂唔到,所以想基仔幫我搽太陽油。」基仔大笑並爽快答應:「我將我第一次幫人搽太陽油送俾你!」指自己從沒幫人搽太陽油,就連古太不例外。

因為要環島游需時12小時,小方指在游泳期間,要有一個人專門餵他進食。而這位「餵食員」很重要,要能抵抗睡意,又要分配食物,最好是老婆或女朋友。基仔立即問:「咁係咪會曝光(女朋友)啊一陣?」小方遺憾回應:「我無喎,咁點算啊?」小方最後找了一名男性朋友幫忙。有關近日太有紀律的生活,小方更自爆自己日前與基仔send短訊大吐苦水:「愈有紀律嘅人越悶,越悶就覺得自己可憐。」基仔忍不住大爆:「不如講白啲啦!佢同我講佢覺得好lonely!」又鼓勵小方下一個目標可以是「脫離Lonely Heart」。到達泳棚後,基仔為小方搽上太陽油,小方正式出發,並以10小時38分鐘超額完成賽事!


即聽〈心中的巨人〉,與基仔一起為小方的壯舉喝采

KKBOX編輯室

編輯室

延伸推薦專輯

延伸閱讀

  • 九十年代集體回憶-雷頌德THANK YOU演唱會

    雷頌德自95年以來,作品累積逾600首,只得三晚的「雷頌德THANK YOU演唱會」,精選了Mark一系列人氣作品,加上Dry的限時重組,令樂迷們重回九十年代的流行音樂世界。

    jean jone