MastaMic
Lyricist: MastaMic Composer: 陳瑋洛/MastaMic
编：陈玮洛
监：MastaMic
马米仲未死得系度say个wassup 咁又一年我梗系知你哋最想听乜
好多人都唔钟意听rap但钟意听rap up 所以每一年都必须要听rap up乜乜乜
谭玉瑛姐姐系儿童节目界代表 祝你以后青春常驻 We will be missing you
杜汶泽过去一年是非认真多 首先系伍乐城演唱会讲笑讲出祸
搞到Joey系facebook度扯晒火 话全个娱乐圈浄系讨厌佢一个
跟住佢又同特首个女网上开火 搞到同昔日兄弟秋生哥开拖
马赛条艳舞片证明自己系性感尤物 我谂马赛当时最想系条片有马赛克
阿YU 赵颂茹拥有坎呵人生 系四岁六岁期间被亲戚性侵
大个谂住可以嫁个好男人 点知最后会成为家暴受害人
成龙系中共禁毒宣传形象大使 但系房祖名同柯震东竟然涉毒出事
黑仔到拍套荷理活电影𠮶时 拍摄出咗意外死咗个摄影师
Coffee喺IFC残厕同富二代gathering 呢个gathering嘅地点都够哂新颖
有啲新闻讲真唔敢rap得太直接 如果净系要坐垫佢会揾Mandy 既环保又快捷
吴若希凭越难越爱今年事业好掂 佢绯闻男友系南华球星刘子健
点知佢撩少女裸聊仲要未成年 呢啲咪就系所谓嘅知人口面
家强发表拆伙真相同阿Paul兴师问罪 搞到咁最心碎应该系天上嘅家驱
郭富城网交中港日韩18模 估唔到连城城咁嘅级数都要网交咁大煲
传闻佢同学生妹微信交换肉照 边估到天王原来都钟意玩裸聊
相逢何必曾烧衣一夜洗版 期待蒋志光复出可以拯救乐坛
上次Eric Kwok演唱会阿Kay放飞机 所以佢话以后唔再写歌俾谢安琪
搞到经理人夏森美发晒脾气 不过我估Eric Kwok只系讲笑唔会咁小器
传薛凯琪系猫狗筹款吞钱正败类 下次唱K等点番只奇洛李维斯回水
Fiona唔开心可以去揾男友呻 等MV导演翻版阮经天氹番你开心
Rubberband 阿Kay CAllStar辞演澳门维稳骚 算你哋今次醒目唔系又会俾人噪
送礼勤𠮶首北京北角 我先发觉原来不经不觉佢系咁爱国
虽然东星乌鸦哥北京衰吸毒嫖妓 但起码证明佢系直佬唔系基
陈茵媺为BB弃猫猫太过无情 有无谂过咁对猫猫都好唔公平
睇真啲我个样都几似都敏俊C 但系几时先会揾到我嘅千颂伊
无啦啦定A餐同B餐逼人拣 要㨂咁麻烦俾我梗系一次过要晒两个餐
朱主席非礼又走数周围呃饭食 证明原来人无耻真系天下无敌
演艺人协会选新会长 点知中途秋生同芷菁打大仗
结果会长之位由爱国嘅成龙选上 咁即系会旨继续以维稳至上
苏丝黄为三个茶包名誉为扫地 请广传等佢教精你咩叫唱人终害己
我谂系靓模都羡慕Angelababy 有几多靓模生日礼物系收架Lambogini
又林建名又周子扬嘅何傲儿 我谂佢呢type应该系叫做老少咸宜
Sammi 12场演唱会啲飞争到癫 唔知有几多系因为知我做嘉宾想见我一面
张继聪教识我原来猜枚可以用胸肌 其实我都想学佢咁样做个SRK
如果张学友系张家辉哥哥 咁马小灵都应该系马国明老婆
如果中国女排有沙宾娜 以后排球赛门票肯定争到啲毒男仆崩牙
Let It Go应该系史上最烦主题曲 每次未听到Intro我净系想快啲结束
二次创作 罪与佛 改词歌颂佛祖 咁你钟意活佛VIVA定忘情释迦舞
旧年唔只兴K-POP仲兴MK POP 要红首先要豁豁出去够沙卜
男嘅要够Chok有眼线风格好韩国 主打登录太阳唔知以为签咗太阳娱乐
今年MK Pop仲有好多新力军 Mama Easy 妈妈今天不必担心
今年阿Gem直头系风头趸 系我是歌手入面不停飙高音
正所谓唱歌最高深莫过于唱高音 唱得越高音越高分贝就越高分
再睇吓现场观众个样几肉紧 所以你明点解佢可以攞亚军
一攞奖阿Gem内地荣升女神 留系内地揾人仔香港从此唔见人
Killersoap嘅Rocky勇闯中国好声音 用月伴小夜曲打动万千乐迷嘅心
睇完中国好声音被Robynn & Kendy吓亲 因为咁先知Roybnn原来系中共元老后人
昔日艶星郑艶丽系麦记打工 有骨气自食其力值得我哋尊重
一代宗师横扫旧年嘅金像奖 可惜梁朝伟俾张家辉抢咗男主角奖
谭小环唔做港姐走去做鱼蛋西施 佢卖鱼蛋仲出名过佢拍电视𠮶时
TVB为咗抗衡HKTV开台 连王祖蓝求婚都摆埋上台
系台庆同李亚男求婚咁公开 点知被踢爆求婚前婚礼已经筹备咗好耐
谢霆锋王菲11年后世纪复合 证明有缘假以时日始终会失而复得
王菀之既然同Eric So系情侣关系 照估计迟吓Ivana都会出个FIGURE公仔
萧正楠黄翠如因为拍戏日久生情 最伤心唔系fans肯定系洪永城
Shiga新男友有6呎高 咁以后改口唔敢再叫佢做K-Chek嫂
恭喜阿公苏永康结婚 佢话做我女人肯定越吻越开心
古巨基同Lorraine低调到无法想像 20年后终于公开同拉埋天窗
黎诺㦤同Mr嘅ALAN都做亿万女婿 跪求两位记住带挈吓马米
Ella不幸面瘫好彩好快好番 而且以后有老公就唔再会孤单
以前黄婉曼嘅天气报告属于大家 但而家佢已经俾佢老公私有化
大导演彭顺有李心洁都仲偷食 Liddy呢个名一夜之后就无人不识
陈七因为再偷食同未婚妻未结先分 既然未玩够好心就咪学人求婚
傅嘉利轻啜中年发福肥叔叔 靓女嘅品味果然超凡脱俗
黎瑞恩证明一人有一个梦想 嫁入豪门可惜最后都系离婚收场
Bosco同杨峥大缆都扯唔埋 所以最后都系嚟得快去得快
Rest In Peace 影视巨人邵逸夫爵士 六叔用一生拍摄香港影视界辉煌史
演唱会之父张耀荣先生升天 多谢你喺香港乐坛咁多年嘅贡献
午马系肺癌末期仍然坚持拍摄 同你永别但你教识我哋咩叫专业
时装女皇黎坚惠因病离世 我哋会永远怀念你嘅时尚同美丽
亚洲鼓王Donald Ashley过身 Freedom@Heaven系佢嘅最后作品
奥斯卡影帝菲腊西摩荷夫曼死于毒瘾 再一次证明毒品会祸害一生
一代笑匠Robin Williams抑郁自杀身亡 又一个对人欢笑背人垂泪典型个案
Ice Bucket Challenge搞到潮流兴淋冰 为肌肉萎缩症做善事全城和应
19岁靓仔cut唔到有线忍无可忍 终于带刀去有线总部见人斩人
香港有乜炒乜停唔到炒风 上网抽吓iPhone 6 好过走去返工
WhatsApp新功能双蓝剔 男朋友再无得扮未睇女朋友信息
梁逸峰同学有特别嘅朗诵技巧 咁特别嘅技巧唔知系边位老师教
政府将Space Invaders 70幅涂鸦铲走 死蠢梗系拎去转手随时赚返几球
外国人真系玩到无嘢好玩 玩身份证上中文名改做激烈的海胆
名画当垃圾掉去堆填区多得清洁阿姐 所以话艺术嘅嘢常人识条铁咩
巴西世界杯你有无买劲德国系拎冠军 我就对巴西被人炒6粒印象系最深
网上金曲话你戆鸠怕你嬲内容写实 仲有独自去鸠呜你唔会唔记得
加埋齐昕嘅母亲厚多士仲听过乜 当然唔少得生果佬榴梿乜乜乜
千六只纸熊猫到港希望大家支持环保 但系大家影完相之后当乜事都无
天降冰雹又一城变水舞间 黑雨水浸天下水淹多个港铁站
Dr Tree Gun 唔知以为佢文盲 唔系点噏得出悔辱鸡毛鸭蒜明张目胆
杀出两条洋肠难为了港男 本来港男有得开餐结果变返一支冷
启晴邨枪击案嘅杀人凶手 奇情到竟然系彭顺小三Liddy老豆
虐待印佣ERWIANA咁阴骘 涉案罗允彤好眉好貌生沙虱
许仕仁衰贪心高官变阶下囚 七年半刑期临老先有排受
郭炳江都判咗5年有排踎 证明真系天网恢恢疏而不漏
上海福喜食品将过期肉加工 麦当劳呃人话福喜食品佢哋无用
被踢爆马上道歉转口风 就算派埋烟肉蛋都挽救唔到你哋嘅信用
强冠食油aka强冠地沟油 香港商人向强冠提供原料废油
转头制成食物系市面出售 香港好快好似大陆无嘢再放得入口
马尼拉人质事件总算到此为止 经过家属3年8个月嘅坚持
菲政府终于对事件正视 愿意对失职人仕惩治并表达歉意
两亿解款车平安夜坏门跌五千万 以为天降横财成班人谂住执完唔使还
点知唔好彩附近装咗天眼 结果当然系被人上门拉人当贼办
吕品韬投诉冬奥无队医随行 香港政府系咁现实认金牌唔认人
老牌球会愉园爆打假波爆丑闻 香港波都有人赌先系奇闻
将小狗丢落洗机搅死嘅人渣 你嘅惩罚应该系拉你返上大陆打靶
街市竟然公然卖活剥猫狗皮 呢度系香港搞到好似返咗内地
旺角杀街赶绝街头表演 但系政府又话全力支持艺术发展
两个港女去台湾做租霸 到处破坏又偷嘢丢晒香港人架
好多朋友需要大家捐肝续命 好似女婴蓁蓁思诺健美先生阿胜
好彩最后有有心人士自动请缨 请支持器官捐赠随时救人一命
海洋公园有得翻身全靠盛智文力挽狂拦 但系政府最后踢走人太过桥抽板
前英国球会伯明翰班主杨家诚 终于被裁定洗7亿黑钱罪成
澳门欧文龙贪污案裁定罪成 大刘罗神各判63个月有期徒刑
东方创办人马惜珍申请撤销通辑令 但高等法院即场驳回申请
香港龙师节表面话宣传国粹 原来系陈鉴林同啲师傅内里cap水
可怜靓模被弃尸旺角垃圾站 不幸遇上变态龙友杀人唔眨眠
有公司5亿收购神魔之塔计划告吹 曾建中呢铺真系见财化水
马航客机MH370飞行途中失踪 至今仍然没人揾到佢确实嘅行踪
到底系真相被政府密封 定系客机真系凭空消失得无影无踪
泰国反对派瘫痪曼谷反政府示威 最受影响系香港人嘅旅行大计
唔系黄秋生拍嘅电影剧情 今次真系西非爆发伊波拉疫情
美国有警察杀人I can’t breath 黑人杀返警察复仇 is not what we need
屹立超过60年遮王何洪希收山 一代遮王自此绝迹中环
树仁大学以你最德高望重 响起最后钟声 Good Bye DR Chung
港大学生伍庭发生命完美总结 凭籍坚毅系人生路上光荣毕业
石峡尾邨某单位被气体大爆炸摧毁 向殉职嘅消防总队目梁国基敬礼
齐昕嘅母亲衣著浮夸 一身全红打扮唔知以为波士顿龙虾
梁齐昕send自荐信话想做模特儿 咁嘅样谷爆胸做靓模都唔pass
佢仲有舗瘾界手伤害自己 老豆即刻post全家福证明一团和气
但原来一切只系成家做戏 假到咁我不禁倒抽一口梁气
梁振英出名歧视穷人 话有份参与选特首唔应该系基层
尤其系𠮶啲月入低于万四蚊 又话经济贡献宗教体育无份
梁特首讲到自己为人民服务 但系点解除咗公职喺UGL有秘捞
又话出乜招物招楼价会大幅下调 系就唔使居屋一出第一日就几万人争表
高铁因为大雨工程停滞不前 浸坏机器仲谂住遮遮掩掩
超支几十亿最后要市民搞掂 当日投赞成票议员还我血汗钱
港铁残忍车死唐狗惹众怒 呢舖你出几多煽情广告都兜唔到
啱啱新开通港大坚尼地城两个站 土瓜湾站发现千年古迹工程受阻拦
西九龙工程延期话遇上花岗岩 呢舖港铁正宗疴屎唔出頼地硬
港铁成日加价话机制可加可减 可惜延误故障次数有加无减
港珠澳大桥工程超支55亿 政府根本系Benz迫力 办事不力
夹粗剪布通过东北前期拨款申请 真系一闪一闪小吴亮星
何俊仁立法会上睇J图 好彩当年参选特首佢选唔到
伍珮莹被辞职背后嘅真相 唔使问阿贵呢招叫抽后算帐
今年访港人数再创新高嘅自由行 系带旺消费指数但影响民生
市民生活受影响政府漠不关心 提议限制人数又话唔可行
特首加句未富先骄先过份 讲到无咗内地自由行香港地会冧
内地游客搞到遍地黄金 但苏锦梁竟然叫港人要有包容之心
沪港通起动话帮到香港 搞咁多不如直接对穷人派糖
港视申请免费电视牌照失败咗 不过转型做网络电视终于启播
但系开台日竟然撞正TVB台庆 黄维基呢嘢唔知想攞景定赠兴
亚视玩到有两个月粮都出唔到 难怪新闻直播中途主播会无稿
体育新闻王子伍家谦辞职 佢同佢师傅伍晃荣都成为集体回忆
明报突然将总编辑换人 摆明想干预新闻报导编采方针
刘进图遇袭掀起轩然大波 新闻界怒吼They can’t kill us all
李慧玲突然被商台下岗 系咪为咗续牌真系要问返首席智囊
蔡东豪结束主场新闻去毅行 换名以立场新闻重生惹公愤
新闻界用蓝丝带象征反暴力 边谂到后来蓝色会象征最暴力嘅颜色
一本白皮书当正我哋白皮猪 又话我哋有几多权力系中央赋予
港人治港只系甜言蜜语 一国两制前景认真堪虞
带领占领邮轮嘅蒋丽芸 率领几百人同船公司抗争
佢反占中但又系香港占领第一人 咁即系只许州官放火不许百姓点灯
民主嘅道路从未平坦 64 25年香港人仍然坚持平反
梁国雄被判监四周 变咗短毛但长毛呢个名始终改唔到口
孤星泪嘅 Do You Hear The People Sing 无人无听过试问谁还未发声
林新强话要求法官爱国无问题 抵呀擦鞋仔擦到无埋律师会长个位
喜记老细非礼完人又瞓街 抵你条荗柴无人食你啲臭蟹
I do it for the people
I do it for the culture
I do it for Hip Hop
一片晴空仍然布满黑云 一街声音照旧不闻不问
黄皮肤黄丝带黄种人 守护紧呢片最后自由重镇
系萤光幕上重温睇住你再三重申 重新谂咩叫本是同根
同根生但点解无同情心 经过几多清晨遥望狮子山精神
谣言骇人听闻边个暴民边个平民 等后世用历史做证人
战事发生系每晚嘅凌晨 镜头之下太多触目惊心
唤醒更多灵魂发出声音 年轻人一夜之间长大成人
身边唔理平民定名人 纷纷站起争取自己嘅命运
我哋举起象征平和嘅双臂 要求只系最基本嘅权利
真实我知从来系唔完美 普世价值应该系普世专利
选择点解都仲要分尊卑 毋宁死直至到我断气
忘记唔到催泪嘅攻鼻 初次体会积累嘅勇气
衷心问点解要敌视到如斯田地 私利用谎言去诈取
歪理指我哋破坏秩序 下令要人民全面撤退
台上只系一班著西装嘅傀儡 黑色嘅光与白色嘅影
警告人们再无黑白分明 当有人荒谬到将现实等同电影
道出现今嘅香港已经几扭曲变形 选择沉默定沉睡宁愿沉沦定沉醉
为别人争取照样被针对 两种蓝色嘅部队行为一致野蛮暴戾
暗角纪录光明磊落嘅证据 慈母手中触动我哋嘅情绪
事实文字被自我过滤 以后如何分辨是非错对
底线退无可退黑暗嘅旋涡举起相传嘅火距 人群躺卧于街道用肉身抵挡歹徒
瞓身捍卫叫做家嘅小岛 高高在上嘅领导几时先见到
一国两制都话过只系口号 几多面谱终于原形毕露
当发问被视为暴徒 扭曲嘅报导将你私心暴露
点解争取会系误入歧途 今日只系起步终点未到未敢停步
粉笔下嘅花系无价 偏偏系高墙上种出鲜花
一笔笔画出一点点变化 种花变做战靶一则可怕嘅白色笑话
一对对天真烂漫嘅眼 望住打开晴天下嘅雨伞
象征我哋嘅期盼 期盼有日高墙会被推翻
期盼有日战胜嘅系鸡蛋
We do it for the culture.
We do it for our home.
And we will be back
We will be back
We will be back