心內話

作詞：楊大正     作曲：楊大正

編曲：滅火器/瑪莎/十九兩

熟似的聲 問我食飽未 哪會遮慢接電話
我無講話 毋知講啥貨
結束一工的工課 啥物攏無想欲做
為怎樣心內總是空空 親像欠一塊
阿～思念親像萬丈深坑
一旦墜入深坑底 想欲脫離來講出心內話
驚恁煩惱 驚恁毋甘 驚恁受風寒
我真認真 也真拍拚 想欲做予恁驕傲的囡仔
驚恁煩惱 驚恁毋甘 驚恁受風寒
天公伯仔 你若有咧看 請你保庇 保庇這家伙仔

厝內的恁 食飽未 想欲共恁敲電話
電話攑起來煞開始躊躇 毋知講啥貨
我真認真工課 生活嘛真聳勢
只是有時啉酒會烏白發脾氣 食薰閣撟歹話
阿～思念親像萬丈深坑
一旦墜入深坑底 想欲脫離來講出心內話

驚恁煩惱 驚恁毋甘 驚恁受風寒
我真認真 也真拍拚 想欲做予恁驕傲的囡仔
驚恁煩惱 驚恁毋甘 驚恁受風寒
天公伯仔 你若有咧看 著愛保庇 保庇這家伙仔
驚恁煩惱 驚恁毋甘 驚恁受風寒
我真認真 也真拍拚 想欲做予恁驕傲的囡仔
驚恁煩惱 驚恁毋甘 驚恁受風寒
天公伯仔 你若有咧看 著愛保庇 保庇這家伙仔
天公伯仔 你若有咧看 拜託你保庇 保庇這家伙仔