歌曲

Feels Like 1998

試聽 聽全曲

(我想一個人靜下......)
第二日 出面落住好大雨 天空又黑又灰......
佢話俾我聽 佢又瞓唔著 問佢做咩啦 佢話驚失業
鬼咩 琴日眼白白睇住隔離組個Anna接咗老細大信封呀
大學生黎架 何況Stanley只係得中五畢業 唔驚就奇啦 我知架 佢依家最想聽到老板同佢講:"唔好走留系吖..."
依家d電視 唔係預測d股票跌破幾多點
就追擊嗰d業主點樣無能力供樓兼上會
幾年前d樓價咁貴就話無能力買姐
真係世估唔到依家樓價咁低都會搞成咁
睇下睇下 你都咪話唔(登)嗰d業主心寒呀....
都有件喜事沖喜下嘅...
搞咗咁多年嘅赤臘角機場就黎起好喇bor
話7月有得用wor... 咁困擾咗咁耐嘅噪音問題
終於可以得到解決啦...
真係好希望特首講過: "中國好香港好,
香港好大家都會好。"呢句説話係真架啦......
肥Ling今日生日呀 不過佢無慶祝呀
反而走咗去投票 佢話要送份大禮比政府wor...
我問佢剔邊個圈啦 佢唔肯講呀
不過我知佢好想攞李大狀個簽名架......