憲公勿語

作詞：黃連煜     作曲：黃連煜

憲公勿語

當久當久以前，不記得幾多年了，大國的北方出現一條龍，
自佢出現開始就命中註定，幾千年要無日無夜去流浪，

佢去過西山、南河、北湖 佢去過西江、徽安、南湖
佢去過南海、東廣、建福 背尾正來到這個高山國

日仔一日過一日 翻山過嶺幾千年
身上的鱗片唔多知卻跌淨淨
就像歸身衫褲分自家脫到淨淨利利
遠遠看來就像一條大憲公

你盡好莫講語 (講出來分人嫌) 你盡好藏起來 (藏到土堆肚)
你盡好莫唱歌 (唱出來沒人聽) 你盡好著領衫 (恁樣就沒人知)

有一日的暗脯頭佢食飽想要屙屎
屙一堆靚靚的黃金屎
未知佢囊到面紅吱喳屙唔出一窟屎
原來肚子焗一窟幾百年的陳年老屎啊

想佢識做過大國的皇帝 想佢識做過大國的土匪頭
想佢識做過別國的國王哪 背尾也做過高山國的總統總統總統

遇到那臭青嬤嫲就藏無命囉
遇到那小水蛇就變自家人囉
也實在是當耐命 被人剁斷一截身體
佢就屎刎扭一下又變節身體出來囉

你盡好莫講語 (講出來分人嫌) 你盡好藏起來 (藏到土堆肚)
你盡好莫唱歌 (唱出來沒人聽) 你盡好著領衫 (恁樣就沒人知)

風直吹 目汁直流
無人尊重佢 無人了解佢
一山過一山 一嶺過一嶺
身上的鱗片無掉了
骨氣尊嚴也被人磨掉了

想要轉去那大國 鱗片一片一片粘上去
還佢原來風神威猛的大龍
沒想到轉去還是命中註定
跌掉幾千年介鱗片永久就尋不轉來

唔記得原來行通的路線 (沒相關)疴
唔記得原來生到麼介樣 (沒相關)
想要撈那窟屎屙出來 (就會屙出來咧)
就算做憲公也無麼介關係

日子一日過一日 來到高山國也三百年
做這沒骨氣的憲公 也有幾百年了
這條龍不像龍 憲公不像憲公的蟲仔
到底自家算麼介東西

你盡好莫講語 (講出來分人嫌) 你盡好藏起來 (藏到土堆肚)
你盡好莫唱歌 (唱出來沒人聽) 你盡好著領衫 (恁樣就沒人知)
你盡好莫講語 (講出來分人嫌) 你盡好藏起來 (藏到土堆肚)
你盡好莫唱歌 (唱出來沒人聽) 你盡好著領衫 (恁樣就沒人知)

風直吹 目汁直流
沒人尊重佢 沒人了解佢
一山過一山 一嶺過一嶺
身上的鱗片沒掉了
骨氣尊嚴也被自家磨掉了