唱作歌手馮允謙Jay Fung的新歌〈尋找白金漢〉最近在多個流行榜中奪得冠軍，令他非常開心。新歌遠赴俄羅斯海參威拍攝MV，不過，故事男女主角的愛情線似有還無，令人心癢。為讓他的新碟主題「deTour」四部曲有完美甜蜜結局，公司特別安排年紀雖然比Jay小，但比他早加入公司的小師姐「寰亞孻女」黃淑蔓Feanna，合作推出聖誕合唱版〈尋找白金漢之You're My Buckingham〉，為故事劃下完美句號。
鏡頭前，導演要求Jay與Feanna四目交投、深情對望。鏡頭後笑聲此起彼落 ，因為他們太熟絡，要扮熱戀情侶實在不容易。Jay笑說：「我唔想Feanna喺度，佢一望我就會忍唔住笑！」同樣地Feanna每次望Jay也會爆笑，直至視線離開對方，背向對方東張西望，才可以冷靜下來，非常誇張。
Feanna說：「我同Jay太熟了，私下經常聯絡。不過佢唔識中文，所以我哋平常喺手機會用火星文溝通，我用廣東話拼音嘅英文字，但佢就用英文拼音，例如我寫『G M G』即係『知唔知』，又例如『你』字，我用『nei』佢就用『nay』。雖然各有各寫法，但依然溝通到，而且啲對話拼埋一齊好得意，旁邊人未必睇得明，但我哋習慣咗就明，仲打得好快。」
今次合唱〈尋找白金漢之You're My Buckingham〉，Jay非常感謝Feanna，並視為聖誕禮物。他開心地說：「好多謝Feanna送咗一份咁好嘅聖誕節禮物俾我。我喺故事𥚃本來只係一個單身漢，有佢加入，一雙一對，個故事就完美啦！」Feanna卻調皮地說：「可惜歌詞話我要你等10年，至肯安定落嚟，返到你身邊。」
被問到若真有如此情深男士癡心守候，Feanna會否仍然决意撇下他出去闖蕩？她說：「如果有個男仔咁鍾意我，我會好感動，不過我依家得18歲，當然要先完成學業，見識過世界之後，至會安定落嚟組織家庭。」
即聽新歌，甜蜜出走過聖誕
