黎曉陽拍攝新歌〈阿茲與海默〉MV 化身暖男

黎曉陽（Michael）早前為新歌〈阿茲與海默〉在西環海傍拍MV，他化身暖男，為MV女主角Ida舉反光板遮擋太陽光，而且又虛寒問暖，等埋位時更在海邊排排坐欣賞風景，非常浪漫。

歌名〈阿茲與海默〉看似兩個人的故事，Michael解釋其實歌詞講述患「阿茲海默症」（Alzheimer's disease），俗稱「老人痴呆症」患者的故事，與之前他另一首作品〈拾荒者之歌〉都是關於「記憶」的題材。年紀輕輕的Michael很喜歡與家中長輩傾偈，了解他們的過去，尤其是經常聽嫲嫲話當年，令他對香港舊貌充滿好奇，所以新歌MV特別邀請一位較年長的演員Ida姐姐擔任女主角，透過她遊電車河、穿過大街小巷、欣賞維港景色等，帶觀眾走進她的回憶。

Michael說： 「雖然都係講記憶，但呢首新歌加入香港情懷，有啲country music（鄉村音樂）和folk song（民歌）元素。香港呢幾十年變遷好大，聽嫲嫲講，以前喺電車路軌以外就係海傍，不過填海後就隔好遠，仲有碼頭、街道等等變遷，依家嘅我好難想像幾十年前嘅風景。呢首個MV就靠Ida姐姐遊走香港，由佢手上嘅圖畫拼湊返以前香港嘅海邊風景、碼頭、街景等，模擬佢記憶中嘅香港面貌，好想珍惜每一個時刻，去記錄對呢個城市嘅回憶。」

連續兩首歌都圍繞記憶，Michael坦言對腦內記憶量和真實度，感到非常有興趣，更懷疑自己腦記憶開始退化，他說：「我覺得每個人記憶量有限，而且不可盡信。有陣時以為記得嘅事情原來係錯，有時根本冇發生過，又或者部份唔真實，可能加入咗啲主觀，令記憶有偏差，總之『記憶』呢樣嘢好奇妙。」

他又表示，就算將來失去記憶，但「情懷」是不會失去，而且是最真實的，他說：「就算填海令海景變咗，但我望住一片大海嘅感覺係唔會變，就好似無論住喺邊，返到屋企嘅感覺係唔會變。」

即聽〈阿茲與海默〉，捉緊情懷