黎曉陽沈澱兩年終於釋懷 盧凱彤遺作〈黑鏡〉面世

三月廿七日是盧凱彤的生日，祝福在遠方的她喜樂自在。

黎曉陽Michael新碟《Before I forget》內最新的派台歌〈黑鏡〉，是盧凱彤Ellen 2018年離世前的作品。歷經兩年時間，Michael形容自己終於釋懷。到歌曲MV決定推出時，鼓起勇氣用手機回覆Ellen兩年前發給他的訊息，告訴她，自己盡全力終於完成這首歌，希望她喜歡。他說：「希望佢留低嘅信息同埋愛，可以傳送俾呢個世界。」

提到〈黑鏡〉，本來是新碟的第一首歌。Michael形容彷彿冥冥中早有安排，上一隻碟推出時，邀請到Ellen的組合at17出席。Ellen主動提出可為Michael寫一首歌，之後籌備新唱片時，收到的第一首demo便是Ellen的〈黑鏡〉。不過Michael前後卻用了半年時間才錄完這首歌，他解釋：「當時我個人比較迷惘，陷入創作低潮，〈黑鏡〉歌詞圍繞生死，比較沉重，我都用咗比較長嘅時間嚟消化首歌。」

Michael直言這首歌經歷的波折多不勝數，就連最後階段上載MV，都出現很多意外。面對這些波折，他說：「喺2018年由錄音到拍攝都好多意外阻滯，MV更加係第一個版本唔滿意而重拍，一個日出鏡頭我哋都去咗四次。分鏡圖都係我畫嘅，不過冇人睇得明，可以完成到都係一個奇蹟。到一切完成，我就去咗秘魯流浪，喺森林出嚟第一個收到嘅訊息就係Ellen走咗，手機入面有一個Ellen嘅WhatsApp，但睇唔到內容，因為雙方都離線太耐，之後亦下載唔到。」

收到Ellen的噩耗後，Michael不知如何面對，覺得需要沉澱一下思緒，所以一直將MV藏起來。直到現在，Michael覺得是時候，在面世前再修改一遍，將一些會令大家不舒服的畫面換掉，才成為現在的版本。他說：「由一個沉重、生死的主題，呢兩年過渡，到而家整個社會都要面對死亡的時候，以前覺得死亡好遠，但當你知道其實係咁近，就好似歌詞咁講：『去到最後，人放鬆了』。當你可以面對最黑暗，你就可以珍惜你面前嘅光。就係要經過咁多波折，咁至配合到一首咁有質感、咁有故事嘅歌。」

Michael不忘感激公司在疫情影響下，仍大力支持他推出新碟，他說：「今次唱片內頁全部照片，都喺柬埔寨暹粒拍攝，唱片入面收錄嘅係我呢兩年嘅經歷及創作，而所有照片就係紀錄咗我喺呢個咁靚嘅地方見到嘅一切。」

即聽〈黑鏡〉，看到蟲洞的亮光