黎曉陽〈拾荒者之歌〉MV紀錄香港景色拾回城市回憶

MV Cantonese Music Buzz

KKBOX編輯室

2019/12/12

黎曉陽Michael為尋找創作靈感，去年到秘魯森林生活體驗，而他最新計劃去印度靈修和瑜伽。他的新歌〈拾荒者之歌〉由周耀輝填詞。首次與對方合作，Michael不禁讚嘆歌詞寫出他的想法。

Michael說：「〈拾荒者之歌〉呢首歌嘅歌詞講『回憶』，每個人都有好多好回憶，有啲會忘記或者改變。最近遇見我童年好重要嘅人，原來我哋就算一齊經歷嘅事情，大家嘅回憶有唔同。有啲因為從我嘅角度出發，有啲就遺忘咗。我哋坐低傾返先至發現好唔同，然後就好似Pizza咁拼貼返一個原整故事。」新歌以「拾荒者」比喻每個人不斷累積回憶的成長過程，一邊遺忘，一邊拾回。MV在多個充滿香港特色的地方取景，例如屋邨、貨櫃碼頭、天橋底和海邊等。

身為唱作人，Michael記錄回憶的方式就是寫歌。他說：「有人用畫畫、影相去紀錄回憶，有人用心用腦去記住當下，我會寫歌。」對於之前透露到外地靈修的計劃，Michael說：「其實我已經報名申請，預計今年會去印度靈修和瑜伽，亦有『出家』嘅諗法。一直希望去不同地方遊歷、感受生活。現代人食牛扒會諗配咩酒，但拾荒者會集中呢一刻嘅感受，我希望搵到呢種『自在』。」

即聽新歌，拾回回憶中尋找自我價值

KKBOX編輯室

編輯室