何雁詩與兩大男神沈震軒及薑檸樂Gathering拍MV
何雁詩日前為新歌《I Don’t Care》 MV進行拍攝。首次自編自導自演的何雁詩碌盡人情卡，先邀請了「電視界男神」沈震軒及「新一代網絡男神」薑檸樂當男主角，續獲得巨聲好友陳國峰、坤哥借出巨二麵堂拍攝。
拍攝當日天氣非常嚴熱，何雁詩亦不怕辛苦，全程親力親為，更買來雪條給工作人員解暑。她說︰「今次MV係我主動向公司提出想自導自演，公司好好比左好大自由度我。由準備Storyboard到搵場景到當日交通安排我都有落手落腳做，但原來比想像中難好多。我本身個人比較大頭蝦，所以好怕會漏左一啲細節無安排好，拍攝前一晚因為太緊張，每個半鐘醒一次，完全瞓唔到。」MV主要講述何雁詩與現任男友(沈震軒)拍拖，卻比前男友(薑檸樂)跟蹤，當中Stephanie與沈震軒有多個親密鏡頭，由中環碼頭sweet到上環街頭，Stephanie 笑言：「我同Sammy熟到好似兄弟咁，突然要係佢面前咁女仔同佢咁sweet我好唔慣。同埋Sammy 的《喜愛夜蒲》 形象太深入民心，拍攝地點重要係中環，我覺得好似拍緊續集。」
新聞來源：musicNEXT
More articles
Latest articles
