天光日

1998年 崖出外讀書毋知遠 （1998年 我出外讀書不知遠）
歸啊到屋下 就領到一領衫（回到家裡 就領到一件衣服）
崖淨試著衫褲好看 毋知後背有血有汗（我只覺得衣服好看 不知背後有血有汗）
⻑輩為家鄉盡命拚 毋分政府亂搣淨淨（長輩為家鄉拚盡命 不讓政府破壞殆盡）
衫褲頂項就寫等（衣服上面就寫著）
好男好女反水庫 好山好水留子孫（好男好女反水庫 好山好水留子孫）
2002年 崖佇都市聽到一條歌（2002年 我在都市聽到一首歌）
有一个樂隊安到交工大聲唱（有一個樂隊叫做交工大聲唱）
就係恁呢 唱分後生倒轉來（就是這樣 唱給晚輩回鄉來）
就係恁呢 唱分老嫩大細大家共下來 就共下來（就是這樣 唱給老幼大小大家一起來 就一起來）
好男好女反水庫 好山好水留子孫（好男好女反水庫 好山好水留子孫）
天光日哪 崖就來啊 目珠來擘開（明日啊 我就來 把眼睛睜開）
就看到該 好山好水 無變半息啊（就看到那 好山好水 始終沒變）
天光日哪 崖就來啊 目珠來擘開（明天啊 我就來 把眼睛睜開）
就看到該 好男好女喔 毋再後生欸啊（就看到那 好男好女 不再年輕了啊）
2011年 崖離島做兵做核歸台灣（2011年 我離島當兵當完回台灣）
愐啊到弄擺⻑輩先生个打拚（緬懷到過去長輩先生的打拚）
再尋出該領舊衫 該著藍衫个婦人家（再找出那件舊衣 那著藍衣的婦人家）
兩手還揇等故鄉 相同揇啊恁緪哪（雙手還攬著故鄉 同樣攬得那麼緊）
頂項相同還寫等（上面同樣還寫著）
好男好女反水庫 好山好水留子孫（好男好女反水庫 好山好水留子孫）
2111年 時間又過了一百年（2111年 時間又過了一百年）
該後生个後生个後生 再看這老故鄉啊（那晚輩的晚輩的晚輩 再看這老故鄉啊）
若斯講 該屻崗相同⻘⻘ 河壩還淨淨（若是說 那山崗同樣青翠 河流還是清澈）
係伯公同老祖先 死命拚留下來个哪（那是土地公和老祖先 死命拚留下來的啊）
就愛一代傳過一代又一代（就要一代傳過一代一代又一代）
好男好女反水庫 好山好水留子孫（好男好女反水庫 好山好水留子孫）
好男好女反水庫 好山好水留子孫（好男好女反水庫 好山好水留子孫）
好男好女反水庫 好山好水留子孫（好男好女反水庫 好山好水留子孫）
好男好女反水庫 好山好水留子孫（好男好女反水庫 好山好水留子孫）