邵大倫
Lyricist: 邵大倫 / 武雄 Composer: 邵大倫
編曲：陳飛午
製作：李壽全
(Mama~Dada)
一條歌 遮爾短 無法度講甲遐詳細
忽然間 我的世界加你一个
記持不時停佇咧 你才拄來咱這個家
áⁿ你睏 教你爬 偝你四界踅
從來毋捌想過 家己會改變遮爾濟
所有的驕傲 嘛攏是因為我是恁老爸
我愛你 我的寶貝 無論牛奶閣欠偌濟
我有去買 好爸爸的冊 逐工下班攏看規暝
我愛你 我的寶貝 我愛你的所有一切
你若是小可有體會 捧場一下 共噗仔聲催落去
一條歌 傳香火 囉哩囉唆嘛講真濟
其實我 心內猶有一牛車的問題
夢中一直有一个 比我緣投的少年家
足愛笑 足好禮 嘛足gâu讀冊
從來毋捌想過 家己會得到遮爾濟
所有的快樂 嘛攏是因為你是阮後生
我愛你 我的寶貝 無論你想欲飛去佗位
我會永遠 來為你鼓勵 做你上溫暖的基地
我愛你 我的寶貝 我愛你的所有一切
無論你心內想啥貨 ga̋n-bat-teh 共噗仔聲催落去
我愛你 我的寶貝 無論你想欲飛去佗位
我會永遠 來為你鼓勵 做你上溫暖的基地
我愛你 我的寶貝 我愛你的所有一切
無論你這馬是幾歲 ga̋n-bat-teh 共噗仔聲催落去
一條歌 遮爾短 無法度講甲遐詳細
忽然間 我的世界加你一个
記持不時停佇咧 你才拄來咱這個家
我永遠會為你 共噗仔聲催落去
ga̋n-bat-teh