いざかや

作詞：MC  JJ
作曲：徐啟洋、王希文

落雨答滴  三更半暝寂しい
打馬膠路  浮一重水閃閃爍
巷仔路尾  內底面閣內底面
店頭一葩鼓仔燈  邀請我入去

いざかや 是安搭靈魂的灶跤

bì-lù 先來剾一杯
毛豆佮花飛配干貝
蚶仔thak-khooh攏摧落
牛肉豬肉雞肉鴨肉粉鳥斑鳩  攏共烘幾塊

仝款的食材  無仝手路真趣味
仝款的人類  無仝背景全過去
瘦的（敖力）鋏  肥的厚汁  攏隨在你
吧台燈光帶虛微  引阮想起你

いざかや是轉踅內外的客廳

bì-lù袂予我孤單
毛豆做伙相放伴
thak-khooh你莫閣一支喙懊嘟嘟
鼻著雞翅你規身軀的芳氣  來親一下啦

蚶仔  你是咧笑啥
閣笑  閣笑  我共你食掉喔
sa-sí-mih你汰會這馬才來
規身軀冷吱吱  敢是豆油欺負你
花飛  迷人的滋味
juicy juicy 我想甲起痟
喔烘牛肉  干焦你上pinky烏𚐞（黑乇）紅閣帶sexy

bì-lù bì-lù 咱這世人會當鬥陣偌久
毛豆  毛豆  你敢有拍算陪我到老
thak-khooh thak-khooh 上佮意聽你叫我哥哥
雞翅  雞翅  對你的思念毋捌消失
蚶仔  蚶仔  咱的情份是天註定
sa-sí-mih 我會陪伴你到海角天邊
花飛  花飛  你共我囥佇心內佗位
牛肉  牛肉  我是愛你愛到  金魚會𜦰（⻊百）壁

空虛鬱卒  來來來來  いざかや
心情歡喜  來來來來  いざかや
孤單一人  來來來來  いざかや
朋友相招  來來來來  いざかや

空虛鬱卒  來來來來  いざかや
心情歡喜  來來來來  いざかや
孤單一人  來來來來  いざかや
朋友相招  來來來來  いざかや