許冠傑 (Sam Hui)
六嬸，三太公，大眾開枱啦面似蓮蓉，
又放工，打餐懵，圍埋砌幾圈論呀論英雄，誰是大英雄
(大英雄)
落手三隻東，度到岩都三叫二五六筒，
截正糊，真陰功，騰騰震嬲到面呀面都紅。
上下家，搏曬懵，依牙松槓斬眉斬眼打籠通，
系咁松，正衰公，難為氹仔會浸呀浸蛟龍。
亂咁質，真勢凶，學到足關帝座鎮華容，
恨滿胸，裹蒸粽，嗡嗡貢好似大呀大燈籠。
大相公，小相公，遇老千D章法亂曬大籠，
食詐糊，包出沖，氹氹轉好似大呀大灰熊。
執左位，起個風，移燈換櫈洗手食煙熨櫃桶，
轉下運，確唔同，連隨喫幾舖我露呀露歡容。
混一色，碰七筒，一簡白板發財做眼槓紅中，
六八筒，叫卡窿，原來咁橋佢喺呀喺七筒。
掘尾籠，起勢攻，大四喜揸曬南北西東，
做牌，講天聰，頻頻滿糊我做呀做英雄，時勢做英雄。
(大英雄)