MastaMic
Lyricist: MastaMic Composer: Big Sammy
作詞：MastaMic
作曲：Big Sammy
編曲：Big Sammy、DJ Galaxy
監製：DJ Galaxy、Big Sammy、MastaMic
又話今年係世界末日
20121221有驚無險俾我符碌過骨
幾驚今年我無命做Rap Up
好彩仲有命Rap得睇吓今年又會Rap乜
免費電視牌照 政府就係唔俾
維基解密都解唔開 維基點維皮
一品花雕雞 食完有片睇
最咀刁 嘅老細 有片都唔肯放出嚟 (有無搞錯呀)
低俗喜劇 本年度港產片奇葩
港人愛爆粗 我就愛爆炸糖DaDa (正呀)
劉公子著Givenchy去打官司
佢話佢影相係影意念 唔係影body (咁搞笑)
明哥演唱會頭頂陽具帽
腳踏紅館出櫃認我係基佬
出櫃何韻詩 佢係勞斯
咁邊個係癡情司嘅萊斯 (唔通係)
師兄今年 情場(事業)兩得意
恭喜髒話阿七上榜又追到祖兒
一班中女加兩件人生教練
係盛女愛作戰定係盛女愛作賤
紅遍全球有PSY OPPA 江南Style
聽過不如聽吓我嘅 RAPPA 艱難Style
亞視係最具娛樂性電視頻道
王征係政總騎呢跳騎呢騎馬舞
大陸台慶 show 得一兩成觀眾係度
唔上洗腦堂 藝員即炒就無得撈 (亞洲 亞洲)
趙世曾為愛女用5億招婿
如果唔介意趙生不妨考慮吓我馬米 (Yeah)
Lady GaGa又名呢啲飛加價
3萬一張飛炒到天價貴過豪宅尺價 (嘩)
YY Show今年係樂壇盛事
靚人靚衫靚歌個個樂壇VIP (我都有份)
向西村上春樹本一路向西
由網絡紅到大銀幕 文字變立體 (好立體呀)
兒歌天后purple太離譜
工人床係馬桶上面太唔人道
龍心人網公然非禮仙樂都
成條video係度根本你扮傻都甩唔到 (抵死)
香港一人一票選港姐已經有
唉 唔知幾時有一人一票選特首
今年重出嘅Shine經典係祖與占
當年我聽Shine都只係半成年 (係呀)
羅慧娟抗癌鬥士 rest in peace
張達明祝你嘅病盡快成功醫治
唔俾港人影相國際大牌 D&G
北京孔慶東教授話港人DOG
蝗蟲內地炒家自由行
商場地鐵遍地黃金
內地人搶奶粉雙非孕婦橫行
上水變水貨中心香港市民百上加斤 (慘呀)
但歧視唔應該係香港發生
記住中國人永遠不打中國人
劉翔一跨即仆緣盡奧運
昔日嘅芵雄今日慘變罪人 (係咪做假)
李慧詩倫奧嘅零的突破
證明屋邨長大努力一樣有好成果
學民黄之鋒大戰國民小先鋒
12萬身穿黑衫市民佔領政總
特首要龍定係要豬
東方之珠要贏龍豬就一定要輸
唐唐話男人要有膊頭有腰骨
感情缺失 課外活動被爆私生子秘密
消失的密室要老婆出面承擔過失
我話唐唐你有條消失的腰骨
梁振英 你呃人 你無品
你參選時講過僭健你無份
最後發現6處僭建 你講到自己無責任
僭建封咗就係唔存在個答案夠創新
南丫十一海難39人死慘絕人懁
國慶煙花嘅慛燦照亮唔到人間
立法會選舉建制派大勝
全靠佢哋配票絕頂精密準繩 (準呀)
鏞記爭產 郭家爭產
佢哋阿爸知道肯定死咗都激番生
今年籃球界有句名言就係平心不息Jeremy Lin
仲識Jolin 那枉兒 (真係？)
李旺陽 坐21年政治監
慨嘆佢話砍頭也不回頭 結果一語成籤
人民力量拉布拉足10幾日
結果主席剪布宣佈拉布完畢
香港膠災中石化膠粒意外跌落海
好彩市民自發團結起來清理膠碎
以前食毒品啪針先會死人
而家醫學美容打針死人真係奇聞
DBC因股東爭執慘被封殺
大班話事實上政治打壓
而家DBC延伸至D100
繼續監察政府批評不公平政策
貪心許仕仁 貪心害市民
但最貪心嘅官員竟然姓曾
貪心嘅貪曾 越貪越深
被踢爆嘅貪曾最後要喊住離任 (抵死呀)
麥齊光做局長12日被人拉咗
呃租金津貼都係貪心惹的禍 (貪心惹的禍)
陳茂波綽號捱鬧的波兒
經營劏房嘅醉駕局長最可恥
劏房局長一做錯事學佢波士
出事係老婆公司事件事唔關自己事 (唔關我事)
林奮強佢又涉嫌偷步賣樓
衰咗佢又搵佢老婆出頭
究竟呢個政府係邊個為首
點解所有人出事都係要太太認頭
七年磨一劍 我終於推出專輯
流行反擊戰 唔聽保證係你損失
記實2013年3月30
我哋7年嘅夢呢一日變成現實 (what's up)