《I Really Love To Sing》企劃第三回 古巨基變身「唱片公司總經理」 葉巧琳試 key 即已錄好

古巨基《I Really Love To Sing》音樂企劃來到第三回，這次基仔請來出道八年、兩年前參加《全民造星III》而備受關注的葉巧琳（Mischa）合唱〈樓下有人〉。

這次合作曲目由基仔挑選，基仔親解當中原因，「首歌係 Tanya 蔡健雅 24 年前寫嘅作品，我好記得當年聽 demo 嘅時候，佢唱得好 soft 好溫柔、好鬆。今次個 Project 我好想翻唱呢隻歌，我就諗合唱版嘅一把女仔聲會係點嘅呢？後來我就諗到 Mischa。」他謂知道以前 Mischa 是學古典聲樂，唱 opera，「我聽過 Mischa 嘅一啲作品係比較大鳴大放嘅，今次我想試吓搵出佢一種好鬆、好 soft 嘅聲線。能夠搵到心儀嘅一把聲去做呢首歌，我覺得係好開心。」Mischa 亦表示十分開心，「因為以往自己好少會用呢把聲音去唱歌，聽番出嚟都幾正喎，同古 sir 把聲音好夾。」

回想錄音過程，基仔大呼驚喜。因為 Mischa 到舒文的錄音室試 key 當日，基仔並不在場，後來一日他到舒文錄音室時，基仔聽到 Mischa 試 key 音軌，即驚為天人！「我話：『吓！錄好咗嗱？』試 key 都唱到咁好嘅！」Mischa 亦坦言驚喜，「第二次上去，我以為要由頭再錄過，咦！原來唔係喎，只係補少少嘢、補啲 adlib 位。」正式錄音日，基仔謂既然已經有一些唱得很好的在手，遂提議 Mischa casual 地全首唱兩、三 take，看看有沒有更多驚喜，結果現在的最後成品就是來自這隨意的兩、三 take！「呢首歌變咗男女合唱，完全唱出嗰種男女愛情嘅曖昧感！」

MV 方面，男主角由唱作歌手力臻擔任，廣告界新星郭思則飾演少女 Mischa，Mischa 表示：「個 MV 係講長大後嘅我回顧番以前曾經錯過咗嘅一段冇發展過嘅感情。我諗好多人喺成長嘅階段，都可能會經歷過。」至於基仔的角色，則是唱片公司高層，「我嘅角色其實喺時空上同 Mischa 係冇交接，因為喺戲裏面，我係一間唱片公司總經理，我嚟到呢個歌廳，見到力臻同埋細個嘅 Mischa。」

即聽〈樓下有人〉，聽出曖昧氛圍