林奕匡新歌〈黑方格〉叫樂迷勇於表達內心感受

  • MV
  • 本地
KKBOX編輯室

早前飛到美國波士頓伯克利音樂學院(Berklee College of Music)進修兩個月的林奕匡(Phil),繼〈重讀興趣班〉後,最近推出同樣從波士頓帶給樂迷的新作〈黑方格〉。

Phil透露,此曲的誕生有別他以往的作品,他說:「第一次係先有歌名再有歌,原本佢個名叫做『Stranger in the Dark』,係我喺美國讀書時同同學一份堂上功課嘅歌名。」Phil解釋「Stranger in the Dark」的意思:「其中一個係情侶喺熄燈之後,發現原來並唔了解對方嘅心思;至於另一個想法,係我喺波士頓嘅時候,曾遇上停電,一個人喺屋內,嗰份淒清孤靜感覺瞬間爆發。」由於這些想法不斷在Phil的腦海中出現,於是便透過創作〈黑方格〉的旋律,記錄當時的心情;而填詞人林寶亦保留了「Stranger in the Dark」的概念來填詞。

今次〈黑方格〉的得意之處不單是先有歌名後有歌,就連拍MV也有新玩法,Phil應導演Welby的要求,塗黑漆變身成一個「黑人」!難怪Phil說:「真係估Welby唔到,我哋唔係要拍一個黑方格,而係要拍一個黑色嘅人!」

與Phil合作多次Welby表示:「今次首歌個visual我哋想用黑色,再搵一位舞者去幫我哋做呢個演出。其實佢係一個Phil唔認識嘅人,但嗰個其實係Phil自己嚟嘅,我哋就係想做呢個錯覺效果。」為了配合主題,Welby安排Phil及舞者兩人身上分別塗滿黑漆,然後再聽從編舞老師的指示去做出不同的動作。

滿身黑漆的感覺已非好受,而拍攝當天的天氣轉冷,Phil與舞者均要赤膊上陣,Phil在埋位前不斷做熱身,他邊做邊祈求「不要冷病」,又笑言多希望自己能在烈日當空下拍攝。到真正上陣,當黑漆塗在身上時,Phil忍不住大叫凍,認真是為藝術而犠牲。雖然要捱凍拍攝,但Phil說:「因為首歌本身嘅題材幾前衛,所以我哋拍攝都想藝術化一啲。」

Phil希望透過新歌,可以令樂迷得到啟發,他說:「裏面有句歌詞叫做『Maybe we’ve been never strangers to our hearts』,就係想講,究竟你同你嘅心有無一層隔膜?其實一直都無。呢隻歌係好私人嘅,聽音樂真係好靜、好少元素,就要赤裸裸咁去將自己內心嘅嘢帶出嚟。希望呢首歌可以令到大家對自己嘅感覺更加完整,可以多啲表達自己開心或唔開心嘅嘢,唔好怕拎出來去講,或者係分享。」而有份參演的舞者就指,拍攝時因為要閉眼演出,看不到周圍的事物,演出時也要靠內心的感受,好像世界中只得自己一個一樣。

即聽〈黑方格〉,向自己坦白

KKBOX編輯室

編輯室

延伸推薦專輯