梅窩牛牛去咗邊

作詞：小梅     作曲：小梅

>編曲：Lee Zion

梅窩牛牛去咗邊 牛中耆老涕淚漣
昔日養肥人一村 可奈退耕山上流連
如今環境變了天 南風難抵炙熱煎
北風更惹火下山躲 歸路難尋低地尋緣

咪話嗰班係野牛 離地見識已經 Out
呼風喚雨賽諸葛 懿容雍雅近帝皇
行進止息有組織 牛牛各司要角色

七仔話最叻係去揾食 梅窩啲窿路佢最熟悉
咪睇阿九哥佢走得摩 有佢殿後就冇甩拖
壯十一 猛二十七 訓練共覓食開路又護掖永不怕汗水積

銀礦灣 伍仙橋 行上銀河 到前山
鹿地塘裏仍見海闊天空 青葱一片漫聽伏蛙鳴蟲

麻布村內從未見麻布 深幽寂靜 靜去入無
大地塘外嘆空留記憶 花香鳥語 漸稀漸褪色

幸有三寶尚聚這南邊圍尾 青粒果綠葉晴雨皆細味
濕土抹香泥扮靚做 facial 清小草園中與鷺鳥相飛

伯公橋畔齊拜別神仙 更樓外望 年年都改變
但與良朋赴生死之約地 輕風 淡月 互賞共眠

梅窩牛牛去揾工 嶼山行遍冇稻農 永續牛耕不復見 密快輪收地公也食窮
梅窩牛牛去哪宿 牛公牛媽意難卜 呢人有屋牛冇碇伏 人牛相融願景哪日續

人類一味咁唱好話發展 但係不必要破壞大自然 風水龍脈都被改變
石屎森林又連地起 觀音壽星卻冇碇企 梅窩梅窩仲剩番幾多係屬於自己

梅窩牛牛去咗邊 梅窩牛牛去咗邊