歌曲

回到最愛的那天 - 父親獨白版

試聽 收聽全首

作詞:林若寧     作曲:Larry Wong@Public Zoo



(獨白)
(記得你細個嗰陣,我最鍾意望住你瞓覺
你瞓得好酣嘅樣,嗰種微笑就係我每日工作最大嘅動力
到你三四歲嘅時候,你鍾意咩都問:“咩嚟架?”
你仲可以連續咁問廿幾次都唔厭
每一次我都會答你
因為你係我個仔囉
每一次我答你之後呢,你都會好開心咁喺度笑
阿仔,其實你可唔可以,唔好大得咁快?)

每日同樣過這生活橋
有多少經典的剎那能做你回味座標

如果可重遇 你最快樂時
床邊聽父母童話故事
聯歡會慶祝 壽辰合照時
頭一次奉獻初吻面帶矜持
長跑得了獎 決賽勝利時
還恃時間多幸運未留意
微細事總有動人事宜
流逝了之後至不停去追 最浪漫那次

(獨白)
(你愈大個,我哋距離就好似愈來愈遠
你要努力讀書
我亦都要勤力工作,我只係希望俾啲好嘅生活環境你同埋你媽咪
大家相處嘅時間就變得愈來愈少
仔,你好耐都無問過我“咩嚟架?”)

難道你用鏡頭記住遺憾能變少
微笑質感裡面有多少奧妙
無論增加幾百倍變焦無力拍低興奮過心跳

如果可重遇 你最快樂時
求得她願意同用姓氏
成婚的那刻 在台上致詞
頭一次望見出世是你嬰兒
榮登青雲路 你最雀躍時
還恃時間多幸運未留意
微細事都有動人事宜
流逝了之後至不停去追 消失的美意

忙碌的穿梭飛馳 甜美事後至知

重覆的傻事 懺悔那樣遲
和她不甘認錯離別太易
陪爸爸喝酒 二人獨處時
曾想答謝說一句未說經已…
回憶的名字 葬禮裡說悼詞
而過程每天循環而又相似
快樂只有盡情 及時
橫豎你生命你都無法知 最後一次

(獨白)
(其實我想你喺我老咗
當我問番你“咩嚟架”嘅時候,
你一樣可以咁有耐性答我)