MastaMic
作詞：MastaMic 作曲：MastaMic
Producer : Dj Galaxy
Director : ChowSaiKau
Yo, Its ya boy MastaMic, 08 Rap Up, wassup, check it, check it, um
有驚無險08會過渡到09
今日由我做主持同大家一同回首
回顧過去一個年頭, 整個地球同大家一年嘅成就
08一開頭第一大大件事, 竟然關我大大波士嘅事
據我所知波士嘅事我一向一無所知
剩係知出左兩個字組成嘅無稽新詞 (WHAT?) 係疑似
乜都只係疑似, 大大張相大大個樣都會係疑似, 係純粹諷刺定係要民智反思
我唔知, 上述嘅假設都只係疑似
一代傳奇藝人開心果過身
佢嘅笑聲同眼鏡香港人仍記憶猶新
集體回憶多左伍晃榮嘅體育新聞
新人講波始終不及舊人過癮
大劉呢鑊認真甘甘地
二奶甘比公然有陷咁夠膽死
咁出奇麗君聲明之後又竟然咁都比
上流社會有錢人真係太兒戲
講起姻緣, 娛樂圈今年最旺婚姻
嘉玲, 慧琳, 仲有大美人嘉欣
當然唔少得曾經玉女女神, 阿慧敏
唔理好人賤人定係中年震震
總之我有中年結構性危機, 所以要滾
女友你瞓瞓, 你可以再等一等
等我今晚滾完第日就返黎再同你補番結婚
年中嘅溏心風暴風頭勁過過去既金融風暴
全民冇再皆股注意力集中係螢光幕度
老土爭產情節再創收視新高
講起高, 今年嘅港姐真係另創新高, 我指嘅身高係身體高度
個冠軍嘅身高um 我諗有起碼有志偉嘅DOUBLE
TVB 演員演而優則唱
唔該唱現場咪走音大出洋相
無唱功嘅小生花旦都會有獎
(唓, 咁咪分明係分豬肉獎)
所以心研, 獎你根本唔駛搶
分豬肉獎實有一個分到你手上
但我想問(但你想問咩者)
我想問你今年有咩歌係大家識唱 (超, 鬼知咩)
安琪囍帖街嬴左幾條街, 獎攞哂
阿老公繼聰無陰公兩手空空, 難怪
只好做個獨自餵奶嘅湊仔公
人生如戲正所謂戲如人生
希夫烈達嘅演技逼真到直程小丑上身
不幸往往係才華嘅對等
留下角色俾世人同呢句 Why so serious
美國Tpain 靠變聲器變成樂壇第一紅人
我地黎明先見之明先係真正嘅變聲第一人
唔信一齊聽下眼睛想旅行 (這宇宙真.闊)
今年自然災害特別多, 雪災定地震, 中華兒女一樣捱過
但估唔到美國都有三聚青胺
飲到堂堂巨星莎朗史東係訪問亂講
如果四川地震係上天對藏獨回應
咁我可以好肯定,當年世貿911一定係對美國強權式正義嘅報應
奧運美夢今年終於實現
改革開放30年嘅成績亦完全完美呈現係列強眼前
劉翔嘅退出唔會影響龍的傳人誇步向前
但作為港人係奧運會有少少遺憾
如果有比賽係比花式自慰技能
咁小板男嘅小板絕技絕對有望助港再次奪金
繼07有魔鬼警察, 今年一樣有強姦警察
報案變強姦係咪王晶拍緊強姦第五集之警察變身採花賊
攞金牌嘅運動員會被稱為英雄
但我話捨身為人嘅消防員蕭永方同陳兆龍
更值得被人敬重, 更值得配擁有英雄嘅稱頌
金融同地理親上加親, 所以我估下次
金融沖擊應該係叫金融破壞性板塊移動而導致
地板分裂地陷 (hahahah)
雷曼兄弟搞個迷你債券
150年歷史都會轉眼玩完
我建議雷曼苦主下次有錢寧願投資去買美心餅券就算
奧巴馬成功當選代表美國民主真正抬頭
咁我認為喺香港住滿7 年嘅印巴朋友都應該去參選普選選特首
一代台灣領導人水扁細個一定讀屎片所以
無聽過貪字得個貧 呢個5字真言
總統變階下囚引證WuTang名言
Cash Rules Everything Around Me
煲呔做特首當係一份工
前幾年經濟好,呢份工好輕鬆
但一經濟差, 大眾市民見到太多曾特首領導下嘅政治瘡疤
最後有一個溫馨提示, 09一個新MC大家一定要注意,
個名係MASTAMIC
Represent da underground 加入CMD, 所以
下次如果問起Whos the best HK MC
Homie, youd better ask about me! What!