廚房仔
作詞：廚房仔 作曲：DJ Prepare
編曲: DJ Prepare
監製: 廚房仔 / C-Infamous / DJ Prepare
OP: CLOT Media Division Ltd. (CMD)
SP: Warner/Chappell Music, H.K. Ltd.
你咁好戲 冇你咁好氣 人生如戲 又係時候交戲
有時候 真係覺得嘥氣 爭口氣 搵個靚位唞氣
人生舞台要點樣演好人生呢個角色
如戲如夢點樣至過得刺激
一定有機會做主角 路人甲乙丙肯定冇人想成世人舐餅
七百萬人出世呢個香港 維多利亞港 核心價值 土壤被侵蝕 空間被侵蝕 逐一將你趕盡殺絕 仲點樣搵食
絕地返擊點至係無範 越窮越變通 創造無限 加個零加個零 數字冇人嫌棄 平民民謠打造民間傳奇
歷史唔可以忘記黃皮膚嘅路 唔可以俾人睇死倒塞自已去路 刻意堆砌自己冇乜值得驕傲
人做你又做 睇下點去演你自己
你咁好戲 冇你咁好氣 人生如戲 又係時候交戲
有時候 真係覺得嘥氣 爭口氣 搵個靚位唞氣
相信自己做好自己角色 困難重重即使面臨種種壓迫 閒言閒語太多言論評擊 真真假假要靠自己去分析
把口招積 邊個消聲匿跡 呢個至交擊 食得多冇益 忍得多壓抑 行為有怪癖 思想別偏激 親身經歷親眼去目擊
一分耕耘一分收獲 成世人混混噩噩 終日未嘗所獲 又抱怨冇人俾機會你 發表意見，咪高峰實實在在放係你面前
喜怒哀樂人之常情 咪喺度扮型 同你唔係好熟 喺度發表聲明
歷史創造亂世 時世出英雄 一種理念一種使命靜靜起革命
你咁好戲 冇你咁好氣 人生如戲 又係時候交戲
有時候 真係覺得嘥氣 爭口氣 搵個靚位唞氣
你咁好戲 冇你咁好氣 人生如戲 又係時候交戲
有時候 真係覺得嘥氣 爭口氣 搵個靚位唞氣