楽曲

少年老芋仔

試聴する フル再生

少年老芋仔

(口白)
阮厝邊彼個歐巴桑
有一工 提一張批
來央我唸乎伊聽
批是伊囝唯軍中寄來的
內底是按呢寫
阿母

(歌)
我也已經
平安來到
這個部隊
自從入伍開始
經過這段日子
萬項代誌也攏慣習
請媽媽千萬不免傷悲

(口白)
因彼口灶的代誌 我曾聽阮厝頭家講過
因老爸是一個老芋仔
落尾 家己出來打天下 累積淡薄仔錢 娶因老母 生兩個後生
因兩個兄弟仔 十統歲就出去甲人迫追
有一擺角頭的拖賭 因小弟煞去乎人殺死
沒外久 因老爸也因為操勞過多 裡病院內過身
聽講 彼暗的雨落真大 伊裡因老爸的眠床頭 跪一暝

(歌)
想起著我
少年彼時
真正毀類
攏無聽你教示
定定惹你生氣
如今我會
安分守己
希望你心內會當安慰

(口白)
關於將國語的批 按怎用台語來加翻出來 我有卡憨慢
親像【摸魚打混勾心鬥角】這款詞 我實在不知欲按怎唸卡水氣
伊批寫了真長 所以 有一寡內容 我就沒照字面唸出來
只是用我家己想的 浪子回頭的故事 落去解說
歐巴桑那聽目啁那擂 擱央我替伊回一張批
伊講 阿囝仔喂

(歌)
你寄的批
已經收到
我真歡喜
凡事就愛忍耐
也不免煩惱厝內
阿母會曉
照顧家已
你的身體嘛愛特別注意

(口白)
歐巴桑 那講那擦目屎
所以 我有時間將伊的意思 用卡婉轉的字句寫落來
突然間感覺 實在家己的學問 算來嘛是未歹
伊擱講

(歌)
聽候明年
你若退伍
轉來厝裡
娶一個好家後
做一個小生意
我的責任 就攏完成
會使放心跟恁老爸來去

(口白)
批寫完 歐巴桑一直跟我說謝 叫我免加送
看到伊的眼神 充滿了希望 我的心情 煞愈來愈沈重
有一寡話 不知欲按怎加開嘴
裡批內 因後生有講
伊已經擱簽落去 這個兵 愛作一世人
站咧亭仔腳 看歐巴桑的人影
慢慢行入彼條無尾巷 我的目眶 也漸漸 已經紅

収録アルバム

7258請愛我吧
7258請愛我吧
2000/03/01

楽曲一覧

    収録曲を見る