唔知道你有冇試過咁嘅經歷呢?
喺某一個環境下
可能係去到某一個地方
忽然有一種奇特嘅感覺 湧現心頭
往昔嘅一啲零碎片段
一直深藏心中嘅往事
又再一次 牽動心靈
彷彿以前嘅一切
都係咁美好嘅
其實相愛 唔一定有機緣喺埋一齊
兩個屬於唔同軌跡嘅人
喺錯誤嘅時空裡相遇 閃出火花
但係 喺重重人世事嘅阻隔當中
或者各自要負唔同嘅人生責任
只能夠匆匆交換一個眼神
就要擦肩而過
但係 喺呢個眼神入面
卻包含住深摯嘅感情
相愛嘅人 唔能夠喺埋一齊
係注定嘅悲劇
唯有將呢份愛 藏於心底
喺往後嘅日子入面回味
惦念住呢個自己心愛嘅人