农夫 (Fama)
Lyricist: C君 Composer: C君
十四岁升中三你初恋初恋几好玩
好玩到每晚半夜三更倾电话倾到电话都无电
但系依然会挂念依然想见多你几面
拍拖第一日就谂点样去纪念一周年
拍拖第一个月就谂结婚要点 摆酒要点
两个人坐系餐厅一齐plan 对仔女叫乜名
直到三个月后 你第一次分手
十年后你拖过好多只手
分过好多次手有d乜唔妥
另转头跟过另一个走
无论有无另一半你都会flirt下人
你唔钟意佢只系钟意多d人钟意你
唔可以俾自己有感情真空期
一个去一个 拍得耐又会枯燥乏味
揾个新暧昧 旧讲句再会
但系好快呢个next
又变下一个ex
过多十年你开始有钱有头有面
有d咁条件好自然想点就点
有好多人痴埋身边
追求边个异性都几好反应好少会唔应承
垂手可得感情 若有所失心情
朋友结婚你谂唔明成家立室感应
越越容易得到越越唔珍惜你所得到
Easy come easy go唔相信一世到老
每晚都有著落 每次都咁寂寞
你觉得最大镬系慢慢失去爱感觉
由热情三个月到三十日到三十秒
拍拖越越多 感觉越越少
玩得越越癫 爱得越越浅
你好想返番去以前会为左挂念佢左典右典
一个小时一个来电
喂你去边
几年后拍拖边有旧时候咁享受
点样有feel都得几秒
然后转身走
想重拾会三更半夜怀念你感受
点样有返种感觉
其实我好想补救