平安之歌

Lyricist: 王俊傑     Composer: 張瓊玉

編曲：王俊傑

世間上媠的代誌 目睭敢會當看見
世間上媠的代誌 愛用真心才會當明白
牽阮的手慢慢行 你的目睭替阮看
牽你的手慢慢行 阮的心聲唱予你聽

唱一首歌叫做平安 願這首歌永遠佮你作伴
唱一首歌叫做希望 阮的歌聲予你袂閣再孤單
阮要唱歌送予咱的囡仔 予伊毋免煩惱毋免驚
阮要唱歌送予這塊土地 大聲唱出阮心內的感謝


牽阮的手慢慢行 你的目睭替阮看
牽你的手慢慢行 阮的心聲唱予你聽

唱一首歌叫做平安 願這首歌永遠佮你作伴
唱一首歌叫做希望 阮的歌聲予你袂閣再孤單
阮要唱歌送予咱的囡仔 予伊毋免煩惱毋免驚
阮要唱歌送予這塊土地 大聲唱出阮心內的感謝

愛有偌深 希望就有多大 路途坎坷毋免閣再驚惶
愛有偌深 希望就有多大 平安的歌永遠唱袂煞