許冠傑 (Sam Hui)
Lyricist: 許冠傑/黎彼得 Composer: 許冠傑
蘇蝦仔未出世，都去搵玉皇大帝，聽佢講番Ｄ世俗條例，
嚦起張賣身契，豈勢咁擰頭擰髻，好坐低聽孤家講出一切。
喂！我要你架勢，你梗一家富貴，
我發起啷黎，會將你墊屍底，認真巴閉，
簽番張賣身契(賣身契)，攪掂筆入境費(仲要洗禮)，
咁蘇蝦仔至准出世。
蘇蝦仔大個左啦喂，識拍拖學人地曳，一次偷雞喊亦無謂，
番香閨論婚禮，俾八姑窒頭窒勢，好女婿 呢單認真襟計。
喂！你咪當免費，走精面咪制(咪制)，
我聽錢駛，你好挖倉底，重要三牲酒禮，
簽番張賣身契(仲要屋契)，攪掂筆外母費(傑過西米)，
咁蘇蝦仔至准出世。
香港地為生計，乜野都受人限制，睇報紙多多制度條例，
加差餉電費水費 Ｄ'食送'乜愈來愈貴，恩愛夫妻都頂心頂肺。
喂！咪太過閉翳，訓醫院更貴(太貴)，
養班馬騮仔，有苦暗啞抵，仲要交足書簿費，
一張張賣身契(賣身契)，枕住咁累你一世(做到甩肺)，
唉！總之一句柯彌吉帝(柯彌柯彌吉帝)。
一張張賣身契(賣身契)，枕住咁累你一世(做到甩肺)，
唉！總之一句柯彌吉帝羅，前世。