黑犬默語 (feat. Cy Leo)

黑犬默語 (feat. Cy Leo)

發行月份

專輯介紹

你怕狗嗎?見到狗會嚇得掉頭走嗎?你害怕狗是因為你曾被牠們襲擊,還是「以貌取人」,看見牠們的長相或聽到他們的吠聲便被嚇怕?

Michael C 家中有兩隻貴婦狗,個性獨特。「細隻灰色的叫忌廉,外表好精靈,但其實好懂得心計,大家睇唔出,就以為佢好乖巧。大隻灰白色係鮮奶,個樣惡啲又成日吠,大家就以為佢真係好惡,但其實佢好細膽,吠只係表達佢細膽嘅方式。鮮奶對我哋一家人都好忠心,但外人睇唔出。」其實不只鮮奶,有很多狗隻外表看似惡形惡相,例如黑色的大狗,也同樣被誤解。Michael C續道:「我身邊好多朋友話見到黑色大狗都好驚,但係咪真係咁得人驚呢?其實未必,佢哋內心可能好似鮮奶咁,好脆弱,好想有人錫,但因為佢個樣睇落兇神惡煞,所以至被人誤會。」

就是因為這種聯想,Michael C親自譜曲寫詞,創作了〈黑犬默語〉一曲,以黑犬作為主角,形容好像黑犬的人們。如歌詞裡其中一句:其實盼你懂 卻害怕太過赤裸裸,這班被誤解的黑犬,都有著矛盾的心態。Michael C說:「好多人只係用自己嘅一套去認定一個人嘅特質,又或者面對社會好多事情你話係乜就係乜,但事實往往唔係佢哋所想。不過被誤解嘅黑犬又唔夠膽show晒俾你睇等你明白,因為好驚過咗自己底線。」

由於歌詞道出這種冤鬱與不快,Michael C想到大概只有Blues Rock的曲風最能配襯〈黑犬默語〉的歌詞。Michael C談到對於編曲的想法,說:「Blues予人憂鬱嘅感覺,Rock就好有氣勢,兩著合二為一就更能夠表現到歌中黑犬心裡面嗰份矛盾、反差,好符合〈黑犬默語〉想講嘅內容,所以編曲上結他特別外露,band sound感濃烈又帶有憤怒感,另外我搵咗CY Leo幫忙吹口琴,加強Blues嗰份哀怨。」

「黑犬」二字拼在一起時,就變了「默」字,Michael C更希望藉著〈黑犬默語〉這歌引發大家思考:若是被誤解,我們應該發聲,還是選擇沉默呢?

專輯曲目

1
黑犬默語 (feat. Cy Leo)
Michael C, Cy Leo
  03:09