浩子
作詞：浩子 作曲：浩子
編曲：乱彈阿翔
芬園的山頂 米粉是白色的海湧
線西買現流 跤手就愛緊
寶斗為啥物不叫北斗
大城伊徛佇咧水尾風頭
相招來二林來𠯗一杯
順紲來溪州耍漉糊仔麋
等到田尾春天若發黃金
埤頭斑芝花就會飛去天頂
伸港的大風車徛甲直直直
永靖的枝仔冰冷甲硬硬硬
竹塘的樹仔會行路過駁岸
大村的跤踏車阿啄仔真愛騎
菜麵炕肉飯肉圓請指名彰化
清芳的茉莉花開佇咧花壇
溪湖食羊肉爐
田中走馬拉松
朥狸散是和美
欲看古厝來秀水
埔鹽出手工的雞毛筅
有一款普羅旺斯叫埔心
鹿港若普渡是普袂離
初八就來普這个新宮邊
芳苑的海牛 若親人遐邇親
戀愛的氣味 是員林的鹹酸甜
社頭蕭緣投 愛到福興粘黐黐
二水走水圳 謝地謝天
謝地謝天 謝地謝天 謝地謝天
彰化三百年 彰化三百年