噗仔聲

張涵雅 噗仔聲
作詞：達一生、黃贊介，作曲：達一生、牛奶斌

一个人徛佇遮 tsi̍t-ê-lâng khiā tī tsia
舞臺燈火照著我 bú-tâi ting-hué tsiò tio̍h guá
一條歌唱出聲 tsi̍t-tiâu kua tshiùnn tshut-siann
行過偌濟 kiânn kuè guā tsuē
惜別的海岸 sioh-pia̍t ê hái-huānn

一段路遮歹行 tsi̍t-tuānn lōo tsiah pháinn-kiânn
青春若像手中沙 tshing-tshun ná-tshiūnn tshiú-tiong sua
一个夢阮希望 tsi̍t-ê bāng gún hi-bāng
永遠唱歌予恁來聽 íng-uán tshiùnn-kua hōo lín lâi thiann

一聲一聲的噗仔聲 tsi̍t-siann tsi̍t-siann ê pho̍k-á siann
予阮甘願向前行 hōo gún kam-guān hiòng-tsiân kiânn
因為有恁的陪伴 in-uī ū lín ê puê-phuānn
歌才有伊的性命 kua tsiah ū i ê sìnn-miā

一首一首人生的歌 tsi̍t-siú tsi̍t-siú jîn-sing ê kua
恁攏歡喜斟酌聽 lín lóng huann-hí tsim-tsiok thiann
心內一陣一陣的感動 sim-lāi tsi̍t-tsūn-tsi̍t-tsūn ê kám-tōng
有恁的支持 ū lín ê tsi-tshî
思念袂驚 su-liām buē kiann
(間奏)
一步步行到遮 tsi̍t-pōo-pōo kiânn kàu tsia
追追追著我的夢 tui, tui, tui tio̍h guá ê bāng
一句句共唱出 tsi̍t-kù-kù kā tshiùnn-tshut
點點滴滴的落雨聲 tiám-tiám-tih-tih ê lo̍h-hōo siann
一幕幕精彩的 tsi̍t-bōo-bōo tsing-tshái ê
藝界人生的命 gē-kài jîn-sing ê miā
一點點的鼓勵 tsi̍t-tiám-tiám ê kóo-lē
我愈唱心肝愈快活 guá jú tshiùnn sim-kuann jú khuìnn-ua̍h

一聲一聲的噗仔聲 tsi̍t-siann tsi̍t-siann ê pho̍k-á siann
予阮甘願向前行 hōo gún kam-guān hiòng-tsiân kiânn
因為有恁的陪伴 in-uī ū lín ê puê-phuānn
歌才有伊的性命 kua tsiah ū i ê sìnn-miā

一首一首人生的歌 tsi̍t-siú tsi̍t-siú jîn-sing ê kua
恁攏歡喜斟酌聽 lín lóng huann-hí tsim-tsiok thiann
心內一陣一陣的感動 sim-lāi tsi̍t-tsūn-tsi̍t-tsūn ê kám-tōng
有恁的支持 ū lín ê tsi-tshî
思念袂驚 su-liām buē kiann

一聲一聲的噗仔聲 tsi̍t-siann tsi̍t-siann ê pho̍k-á siann
予阮勇氣繼續行 hōo gún ióng-khì kè-sio̍k kiânn
多謝有恁的照顧 to-siā ū lín ê tsiàu-kòo
多謝有恁的惜命命 to-siā ū lín ê sioh-miā-miā

臺跤有恁來做伴 tâi-kha ū lín lâi tsuè-phuānn
臺頂才有阮的名 tâi-tíng tsiah ū gún ê miâ
阮會拍拚 gún ē phah-piànn
唱上好的歌予恁聽 tshiùnn siōng-hó ê kua hōo lín thiann

阮會拍拚 gún ē phah-piànn
唱上好的歌 tshiùnn siōng-hó ê kua
予恁聽 hōo lín thiann

(結束)