老朋友

作詞：謝銘祐     作曲：謝銘祐

老朋友 一雙手 陪阮捏未來的模樣
老朋友 一暝酒 嘛著你來解憂愁
三二句話一個眼神 隨知影阮佗位咧疼
路若崎嶇 阮一喊 你會陪阮行


無閒的人無閒去想以早做的夢
等佗一工咱擱親像少年時 彼摜青仔叢
無咧驚 共天借一粒憨膽 共伊拚


青春留佇彼堆相片 誰知影日子老這緊
好咧佳哉 阮一喊 你猶是相挺


無閒的人無閒去想以早做的夢
等佗一工咱擱親像少年時 彼摜青仔叢
無咧驚 共天借一粒憨膽 共伊拚

老朋友 老朋友 老到足老猶是朋友