基隆路 (Keelung Road)

作詞:楊大正    作曲:楊大正

為著啥物四界走傱 為著啥物失去理想
我不願 閣看家己遐爾無路用

想啊想 想過一个下晡 佇無滋味的街仔路
這馬的我 除了失望 猶是失望
當初來到這个所在 懷抱滿腹的理想
如今 一圈腹肚 只賰怨妒
較早的夢到底佇佗位

佇啥物所在拍毋見青春 佇啥物所在拍毋見愛情
啥物所在 佇啥物所在 按怎攏想袂起來
是啥物時陣 我不再熱情 是啥物時陣我不再單純
一工一工 過 無奈的生活
佇窒車的基隆路 漸漸失去靈魂

青燈又變做紅燈 我猶原牢佇這个路口袂振動
我的人生啊 按怎會行到遮 啊~
較早的我到底佇佗位

佇啥物所在拍毋見青春 佇啥物所在拍毋見愛情
啥物所在 佇啥物所在 按怎攏想袂起來
是啥物時陣 我不再熱情 是啥物時陣我不再單純
一工一工 過著無奈的生活
佇窒車的基隆路 漸漸失去靈魂

佇窒車的基隆路
佇窒車的基隆路
佇窒車的基隆路 漸漸失去靈魂