火燒島 (Burning Island)
作詞：呂鴻志 作曲：火燒島
烏天暗地看無頭前這是啥物情形
「你攏看有 我煞會毋知我咧酣眠？」
四界繞繞 看有啥趣味
行無幾步看著看板寫著鬼島歡迎你
倒爿 有人影出現但是詳細共看花花無啥會清
正爿 雄雄一陣風吹過來吹過去涼到骱邊
「閃啦閃啦就欲袂赴啊」「在佇這咧創啥？」
結果就乎一陣人 沿路行沿路捒
跤嘛去乎踩 手也去乎拖
最後去乎捒到一間大工廠
後壁 越頭共看是一陣和我年歲平大的少年仔
頭前 一個穿西裝的大頭矮仔舉著MIC徛佇台頂咧喝
「咳、咳咳、一二三、一二三，我講恁這無路用的跤數
我乎恁工課是乎恁機會（是！阮知影！），較巴結咧！莫想孔想縫，
恁一世人踮這拄好爾，恁也無親像阮較早遐打拼 （對！無希望！），
橫直你若貧惰若死乞食就共我出去，這馬開工這條歌大聲綴咧唱！
哈！（好！）」
為著鬼島未來的繁榮 愛拍拚無暝也無日
用性命佮伊搏 為著咱的前程
為著鬼島未來的繁榮 愛拍拚無暝也無日
用性命佮伊搏 為著咱的前程
為著鬼島為著鬼島為著鬼島為著鬼島為著鬼島為著鬼島為著鬼島為著鬼島
吞落！