歌曲

雪咧飛

試聽 聽全曲

誰遮孽 將阮鎖佇咧夢內底
若像痟的貧惰講話 反正解說攏加講的
你無資格 誰有資格 害我愛甲遮狼狽
哭敢若笑 清醒像昏迷
免會失禮 予我恨你恨甲澈底
攏你講的有緣無份 我欣羨你攏袂歹勢
敢會後悔 按怎後悔 後悔我學袂曉反背
求你好心讓一條路 予我過
這馬已經是幾月 七夕毋是拄才過
為何越頭窗外 鑿目甲若像咧落雪
雪佇咧飛 滿天滿地攏是你美麗的白賊話
甘願青盲 就看袂著你 咒誓過的愛情 媠甲遐爾假
雪佇咧飛 若億萬張 寄袂出去無寫字的批
用思念控訴你 經過我的天地
教我痴心痴迷 無教我清醒
這馬已經是幾月 七夕毋是拄才過
為何越頭窗外 鑿目甲若像咧落雪
雪佇咧飛 滿天滿地攏是你美麗的白賊話
甘願青盲 就看袂著你 咒誓過的愛情 媠甲遐爾假
雪佇咧飛 若億萬張 寄袂出去無寫字的批
用思念控訴你 經過我的天地
教我痴心痴迷 無教我清醒
這个世界孤單甲賰我一个 緣份結冰斷做兩橛
女人的心軟甲袂堪咧硩 破碎了用啥來止血
雪佇咧飛 滿天滿地攏是你美麗的白賊話
甘願青盲 就看袂著你咒誓過的愛情 媠甲遐爾假
雪佇咧飛 若億萬張寄袂出去無寫字的批
用思念控訴你 經過我的天地
教我痴心痴迷 無教我清醒