紅葉

作詞:巫宇軒    作曲:蕭煌奇

窗外陣陣小雨 敢是天也咧笑我戇 怎會行到今日這一步
大家攏來慶賀 祝恁白頭偕老 只有我的心插一刀

過去所有疼惜 一幕一幕變做炸藥 炸開看無底的悲傷
我知你有你苦衷 啥物攏免閣講 咱的笑容哪會遐勉強

你講過海角天邊有我有你 當初時兩人的愛糖甘蜜甜
愛你的勇氣 等袂到結籽 只賰往事割阮的心 血流袂止

祝你幸福 我祝你快樂 人生的路 今後袂當閣共行共渡

一聲稱呼 大學的同窗 無情打落 一片癡情的紅葉

誰人講世間只有紅花青葉 也有共款美麗的青花佮紅葉
愛情的故事 共款遐精彩 為何現實欲來阻礙 加添無奈

祝你幸福 我祝你快樂 人生的路 今後袂當閣共行共渡

禮貌招呼 虛情的笑容 無情殘酷 拆散真情的紅葉

祝你幸福 我祝你快樂 人生的路 今後袂當 替你看顧

一聲稱呼 大學的同窗 無情打落 一片癡情的紅葉
乎你失望 是我最後的體諒