陀螺

作詞：陳昇     作曲：楊騰佑

編曲：凃惠源

一條棉仔線踅啊踅 阮的心情從來攏袂怨慼
以為從今以後你我雙人 永遠袂閣再分開
心頭親像針佇咧揻 閣若柴頭內有一枝鐵釘仔礪
從來毋捌問阮敢猶有意 踅啊踅啊費心機
若分開來放阮就伊 親像囡仔倌伊無聊的趣味
我若無魂有體的柴箍 綴著你的目色佇咧踅啊踅
毋想伊全然無藥醫 敢是男男女女永遠的心病
我若無魂有體的柴箍 參像干樂佇咧踅啊踅
毋想伊的花言巧語 講是棉仔線來縛就袂分離
無影無一跡空喙盤撋 害阮親像干樂佇咧踅啊踅

愛人仔貼心肝 感情毋通烏白咒誓
你若親像一个囡仔倌 定定揣人釘孤枝的
驚仔會無命

毋想伊全然無藥醫 敢是男男女女永遠的心病
我若無魂有體的柴箍 參像干樂佇咧踅啊踅
毋想伊的花言巧語 講是棉仔線來縛就袂分離
無影無一跡空喙盤撋 害阮親像干樂佇咧踅啊踅
一條棉仔線踅啊踅 (踅啊踅)
踅啊踅 (踅啊踅)