華西街的一蕊花

作詞:陳樂融/蕭福德     作曲:蕭福德
華西街的一蕊花


我有一天甲朋友去廣州街 夜市仔煞無人塊賣

本底想欲去吃一碗虱目魚粥 害阮癮甲是無底找

阮只好擱行到華西街 巷仔內的小姐叫阮入來坐哦

對面擱有二個少年仔塊冤家 打甲是頭犁犁

華西街的一蕊花 擱踮在門口塊拉人客

華西街的一蕊花 伊看起來嘛才十五、六歲



聽講阿凸仔攏祝愛去華西街 頭一次看殺蛇塊賣

他們擱行到龍山寺廟的內底 拜他們無熟識的五府千歲

遠遠有看著阿妹仔面攏黑青 給邊仔一個少年仔拖入去內底

咱所敬愛的緣投少年仔警察先生 啊涼勢啊涼勢在彼塊泡茶

華西街的一蕊花 伊開在黑黑暗暗的巷仔底

華西街的一蕊花 伊看起來嘛才十五、六歲

華西街的一蕊花 嘸知啥物人逼伊來賣

華西街的一蕊花 伊開閣卡美嘛是愛繼續做