歌曲

母親花 Orange Daylily

試聽 聽全曲


作詞:伍炯豪
作曲:簡雅珊

母親花開佇田園邊 風吹來笑微微
孤單流浪的白鷺鷥 想欲飛去妳身邊
這種思念的香味 我永遠 放袂記
親像故鄉的名字 時時叫我倒轉去

母親花 花開的時陣 我攏會來想起妳
妳是上帝賞賜我 永遠疼痛的恩惠
時間是 無情的流水 將咱隔離來分開
我知影總有一日 咱欲擱來相見面

母親花開佇心內面 越頭看路稀微
妳的形影點點滴滴 予我想起囝仔時
妳的鼓勵佮安慰 這款無名的滋味
佇暗暝對我閃閃熾熾 Orange Daylily

母親花 花開的時陣 我攏會來想起妳
妳是上帝祝福我 永遠看顧的表示
妳是我 上媠的花蕊 亦是一生的甜蜜
妳是我 我生命中 永遠的Orange Daylily
母親花開佇心內面 我永遠思念妳