歌曲

海上的人

試聽 聽全曲

作詞:楊大正 Sam Yang     作曲:楊大正 Sam Yang



越頭看彼段青春的路程 你想起離開的時陣
戇戇坐上彼班暝車 開始走傱的人生
渾沌的青春 閣有你軟汫的個性
點起手頭閣一支薰 目屎流袂停

你講人生啊人生 像漂浪海上的船
有時風吹起陣陣風湧 運命總是無定著

攑頭看遙遠天頂 笑看這浮沉風景
就算愛等待一生 嘛愛活著無怨恨

海風吹著你的歌聲 吹著你的頭鬃
就算眼前路愛面對長長孤單 心有淡薄仔忝

海風吹著你的背影 吹著你的願望
你講你相信總會有彼一工 會實現 當初的咒誓
毋免驚 咱寬寬仔行

攑頭看遙遠天頂 笑看這浮沉風景
就算欲等待一生 嘛愛活著無怨恨

海風吹著你的歌聲 吹著你的頭鬃
就算眼前路愛面對長長孤單 心有淡薄仔忝

海風吹著你的背影 吹著你的願望
我講我相信總會有彼一工 會實現 當初的咒誓
毋免驚 咱寬寬仔行