風火著

作詞：呂鴻志     作曲：火燒島

莫佮伊合作 莫對伊服從
欲止枵也免將這口氣吞落
只要咱勇敢 阮之中就會出英雄

啥物款的環境 啥物款的生活 啥物款的社會 啥物攏無公平
甘願做奴毋敢怨嘆 無犁搶咧拖的日子
憑啥物伊會當對阮喝來就來喝去就去
咱煞無法度做家己的主人？

指乎清楚啥人是敵人 目睭剝開共瞪共睨
指乎清楚啥人是敵人 舉起家私準備抗爭
這的血汗是去乎啥人提去
那會無消無息剩無半滴

黯淡的工廠內 火光咧閃熾
有人大聲隨後喝著 綴伊來去討一個公理
軟汫的反對的 攏總是敵人
昨日會變成過去 未來就是新的日子

指乎清楚啥人是敵人 目睭剝開共瞪共睨
指乎清楚啥人是敵人 舉起家私準備抗爭
一無所有 剩的只有暴力
這是革命 英雄就欲出世

緊 將伊掠起來 對伊的橐袋仔反反出來
緊 跤手剁落來 啥人叫伊敢共阮當做伊的資產

「天真！這寡英雄不過是棋子」「受阮控制讓恁來支持」

話講煞有哀哮聲 人倒地爬袂起
才看著伊背後接著鐵管線內面剩空氣
大家流瀾哀求拜託千萬毋通挽掉生命維持器