麗英以真實暗戀故事作為新歌〈惡作劇完成〉題材 青澀回憶令麗英少女心爆發

網上頻道「小薯茄」的唱歌擔當麗英早前首播新歌〈惡作劇完成〉MV，故事以她在中學時期的真實暗戀故事作為藍本，邀來同公司熱捧男團 FINALLY 的「顏值擔當」朱 Mic 擔任男主角。MV 以台灣人氣偶像劇《惡作劇之吻》風格拍攝，男女主角的身高差萌充分演繹湘琴和直樹在台劇中戲劇化的情節，青澀回憶湧上心頭。

大讚朱 Mic 有才演活 MV 學長角色

新歌講述麗英與學長真實的暗戀故事，二人在持續的相處與陪伴中產生好感——正正就是「友達以上戀人未滿」。麗英笑言朱 Mic 絕不是自己過往暗戀對象的類型：「我通常都係鍾意運動型，黑黑實實嗰種。我中學嘅暗戀對象都頗多，我係欣賞啲男仔有自己嘅特色同長處，例如打籃球或者玩音樂，佢哋做自己擅長嘅嘢嘅時候會發光咁吸引。如果我中學時期遇到朱 Mic 可能都會鍾意佢，佢有幾靚仔、打鼓又幾勁，有時都會比佢 charm 親！」MV 導演高 Ling 為 MV 在上水梧桐河一帶取景，日光與自然環境營造日系風格，配合新歌輕快心跳的節奏，令人少女心大爆發。麗英大讚導演美化了中學時期的回憶情節：「高 Ling 加插咗好多偶像劇、動漫嘅浪漫情節，以前中學邊敢咁直接表白！好似喺橋上面表白嗰個情節，直程彌補咗我中學時期唔敢做嘅遺憾。成個 MV 真係好有戀愛嘅感覺！」

即聽〈惡作劇完成〉，重拾青澀回憶