馮允謙個唱主題曲〈入場人士注意〉化身開心博士散播正能量 感染紅館全場

「唱作王子」馮允謙（Jay Fung）將於下月舉行首次個人紅館演唱會，為隆重其事，特別製作演唱會主題曲〈入場人士注意〉，亦是他 2023 年首支派台歌。他在 MV 化身開心博士，研製「快樂菌」感染全世界，散播正能量，拯救不開心的人，而 MV 最尾 Jay 更送上驚喜，Fans 不能錯過。

新歌〈入場人士注意〉是特別為紅館演唱會度身訂造，亦是 Jay 今年第一首主打歌，他參與曲、詞和監，並邀請陳考威、SeaTravel、Oscar 和 Young Hysan 等合力，為演唱會主題曲發功。拍攝 MV 當日，大約有 20 位喪屍妝扮的演員參與，他們由酒吧場景、滾軸溜冰場、實驗室追到街頭，Jay 飾演的發明家研製「快樂菌」散播正能量，Jay 說：「今次 MV 唔使跳舞，但有一組動作，喺 MV 裏面不停做。我希望到時演唱會上，台下觀眾都可以同我一齊做，一齊投入呢首歌，感染快樂氣氛。」

Jay 說： 「今次個 MV 故事同演唱會主旨好相似，喺 MV 裏面嘅我係個發明家，見到世界變到好壞，啲人唔開心，所以發明快樂病毒，感染所有人。我希望入嚟睇演唱會嘅觀眾都感染到，好投入我個騷，變得更快樂！」而 Jay 在拍攝現場亦好似 MV 的角色一樣，與飾演喪屍的年輕人打成一片，雖然拍攝十幾小時，又熱又攰仍然有說有笑，影大合照留念。Jay 收工離場前，他們一邊吶喊「Jay Fung Jay Fung」一邊送他離場，非常熱情。至於 MV 最後，Jay 向導演自薦，以喪屍妝壓軸亮相，希望為 Fans 送上驚喜。

演唱會舉行在即，Jay 心情既興奮又緊張，早前放假飛加拿大探望父母親友，共聚天倫後充滿能量，他說：「今次只係休息咗幾日，我當然好想再放長啲假期，真係太耐無放長假。不過我都好感恩，開騷前竟然有假放喎，好開心。休息完返嚟，個腦好清𥇦，工作更加投入，我又再充滿力量！」

即聽〈入場人士注意〉，享受「快樂菌」