2023 首支派台作品加入西班牙曲風 Jeremy 李駿傑新歌滲出浪漫曖昧味道

在去年橫掃新人獎的李駿傑（Jeremy），在 2023 年重新出發，新歌〈Closer〉以西班牙曲風跟樂迷見面，並盼望在商業與妖魅之間取得平衡，讓大眾更易接受，而為了 MV，Jeremy 特別染了一頭粉紅色頭髮，又加入了 Sexy 舞姿，給人耳目一新的感覺。

Jeremy 一直鍾情 Shawn Mendes 與 Camila Cabello 合唱的〈Senorita〉，過去也曾在不同場合演繹這首歌，直到今年首支作品，他便拿出這首歌做參考，結果由王雙駿監製、梁瑞峰作曲及雷暐樂填詞的〈Closer〉便由此而生。〈Closer〉由是一首關於男追女剛相遇時帶點曖昧，心情有點小鹿亂撞的直白告白，Jeremy 坦言：「第一年 Solo 已想做類似西班牙輕快跳舞曲風，能夠寫到〈Closer〉好開心！大家可以跟住首歌一齊嗚一齊跳舞。」

MV 方面，Jeremy 這次化身美食食評家，在一餐廳中偶遇了老闆娘，但對方以魔力吸引 Jeremy，把他迷暈，醒來的時候，就已走進夢一般的碟子世界，但 Jeremy 繼續被對方迷惑，二人更慢慢蘊釀出曖昧關係。

既要帶出歌曲的浪漫感，又要在畫面呈現出男女之間的曖昧之情，今次 Jeremy 特別換上粉紅色的髮型。Jeremy 解釋道：「上年 Keep 咗金色好耐，好想轉髮色，藉住今次 MV 就轉做粉紅色，因為戀愛泡泡總係粉紅色，而家咁就啱啱好。」除此之外，Jeremy 在飾演美食食評家時，以一套帶點 90 年代，猶如紳士一樣、多重 Layer 的服飾示人，但一進入夢境，他就以一身黑皮褸造型出現，Jeremy 笑言：「我要變返 Wild 一啲，主動吸引返女主角！」

造型以外，今次〈Closer〉的舞步亦比以往的性感得多，原來 Jeremy 曾對此作多番考量，他說：「今次舞步特登編得 Sexy 啲，搵咗新排舞老師排隻舞，佢好快就排咗畀我，但嗰種 sexy 令我有少少擔心，怕做得太 Over 唔係幾好睇，但後尾搵返個 Balance，Sexy 得嚟又帶少少 Man 嘅感覺。」

〈Closer〉剛推出，但其實 Jeremy 已籌劃好今年的音樂路，他說：「今年計劃出 3 首歌，已編排好，亦好快搵到 Demo，已馬上準備第 2 首歌了！希望可以快啲同大家見面。曲風方面，3 首都好唔同，想畀多啲唔同嘅面向俾大家睇，因為〈Closer〉係拎咗新人獎後第一首歌，好重要，同埋上年係比較 Dark 嘅內容，今年想畀一個全新嘅自己大家，簡單啲易明啲，同時亦都想將妖嘅元素加入商業啲、大家比較容易接受嘅音樂、曲風入面，可以令到妖嘅 Topic 更加多人接受。」

即聽〈Closer〉，感受新曲風的 Jeremy