與 Dear Jane 首度合作 盧瀚霆搖身一變做 Rock 友入型入格

在推出多首慢歌後，Anson Lo 盧瀚霆最新派台歌〈Money〉回歸跳唱的懷抱，更同神徒大玩 Money Challenge 大跳特跳，但最近他特別邀請了 Dear Jane 合唱這歌，曲風一轉變成了 Rock 爆版本，驚喜滿分。

對於 Dear Jane 來說，他們都十分開心可以 Anson Lo 有這次的合作，讓他們可以大玩久違的 Band Sound。Tim道：「多謝阿 Lo 邀請我哋一齊去玩呢隻歌，亦都畀到好好原因我哋去放肆一下，玩返 Rock N’ Roll，因為近排出歌都少掂 Rock 嘢，今次係好好 Excuse（理由）！」對於〈Money〉完全改頭換面，Anson Lo 聽過後都感到十分興奮，他說：「自己未出過 Band sound 嘅歌，今次都算係滿足自己，仲可以有搖滾式咆哮。」Anson Lo 向來在台上多作跳唱演出，今次為這個 Rock 版〈Money〉不僅以 Band 仔造型示人，就連台風都 Rock 爆，Tim 見識過後坦言：「平時大家喺鏡頭前見到 AL 係跳舞，但今次完完全全以唔同嘅肢體語言玩呢隻歌，見到佢 Enjoy，我都好開心！」

對於首度合作，Dear Jane 與 Anson Lo 都有很深的感受，其中 Howie 說：「一直以來大家一講到阿 Lo 就會諗起跳唱，但今次同我哋玩 Band Sound 完全 Carry 到！聽錄音已經覺得好正，而今日只係拍攝 Video，但就有上台玩 Live 嘅興奮同感覺。」Nice 也和應道：「好有潛質做 Band 仔，係被跳舞耽誤嘅 Band 仔，玩 Live 一齊玩啦！」Tim 搞笑表示：「你聽到我哋咁講，係咪會話 Tim 可以跳下舞？但認真講，當初認識阿 Lo，已經有一種魅力，跳舞好鬼勁，但唔係跳到啲 step 好勁，而係有一種好自然內在散發出嚟嘅 Charm，呢樣係我好欣賞。」Jackal 經過今次合作後，則表示： 「期待下一次阿 Lo 唱 Band Sound 編製嘅慢歌，唔知又會係點呢？」

聽到 Dear Jane 四子對自己的想法後，Anson Lo 不禁道：「大家推到咁高，我都唔知講咩好。呢個係我人生嘅榮幸，可以同 Dear Jane 合作。琴晚同屋企人講大家係超級興奮，因為我家姐係你哋 Fans，一聽到竟然反問我話竟然可以同到你哋合作！今次真係冇想像過可以做到嘅嘢，所以好多謝你哋！ Dear Jane 係一隊好多元化嘅樂隊，Band Sound、慢歌、抒情歌，林林種種都能感動人心，係好 Iconic 嘅 Band。」

即聽〈Money〉，一齊 Rock！