新歌〈蝸牛〉以自家愛情故事作藍本 Anson Kong邀沈殷怡任MV女主角 被彈未夠靚仔

Mirror成員江𤒹生（AK）將於8月12日推出第二首派台作品〈蝸牛〉，其MV特別找來ViuTV綜藝節目《美女郊遊遊》的沈殷怡（Shirley）擔當女主角，是繼前作〈特登〉之後再次邀來女星參與演出。

〈蝸牛〉的歌詞是以AK的愛情故事作藍本，他將以前拍拖的經歷寫成一篇很長篇的故事，其中一段寫到AK曾送一位女生回家，在途中行經一段樓梯時見梯間有蝸牛，當時女生叫AK小心不要踩到蝸牛，踩到會好慘，想不到AK會對這句簡單的話留下深刻印象，他回憶道：「當時心諗：嘩！個女仔好得意，佢呢句說話我一路記住。填詞人林若寧睇過我嘅故事之後，最後就揀咗〈蝸牛〉做歌名，表達男人對於感情嘅事後知後覺，希望大家唔好再浪費時間，好好愛身邊嘅人。」

為了〈蝸牛〉MV，AK特別找來Shirley扮演他的女朋友，畫面中會穿插著二人恩愛及Shirley孤單一人的畫面作對比，AK在MV中更飾演後知後覺的男友，後悔得要流下男兒淚。問AK當中可有任何劇情是個人經歷，他即說：「病唔喺身邊未試過，除非要出去做嘢，否則都會陪女朋友，另外試過同以前女朋友一齊煮嘢食。」

至於找來Shirley參與演出，AK表示全靠友情搭夠，他說：「因為花姐話冇乜Budget，問我搵唔搵女主角，起初諗住唔搵，但後來覺得呢首歌嘅男女關係比〈特登〉講得更加深入，如果〈特登〉需要一個MV女主角，呢首就更加需要，咁花姐就問我行內有乜嘢人會同我講心唔講金，跟住我就諗到只有Shirley，因為我哋識咗接近10年，由唱歌比賽識於微時，到我加入Mirror後喺公司撞返好有緣，一直都想搵個機會合作，同埋揀歌時，一聽呢首歌已picture到佢個樣，實在好適合當呢個MV嘅女主角。」

在Mirror成員當中，只有AK的MV都有女主角，他自言非常幸運亦多謝花姐批准，不過他認為MV風格不一樣，所以才會有這樣的安排，他說：「Jer嘅MV唯美，AnsonLo跳唱歌好難有女仔穿插，姜濤就要等下先，怕民情洶湧，所以我要多謝大家接受我嘅MV有女主角。」

Shirley作為MV女主角，她坦言：「真係識咗十幾年嘅朋友，問到冇可能唔幫，同埋聽完首歌好好聽，真係好想參與。」其實Shirley更為了AK於MV中獻出熒幕初吻，但她指雙方都想出來效果好，AK的紳士表現也教她安心地演下去，她說：「AK好Gentleman，佢都會事先問可唔可以錫臉，或者錫其他地方，大家都係想個MV好睇，有最大嘅效果，所以最後即使親密鏡頭有啲尷尬都覺得唔緊要，觀眾覺得好睇就OK了。」

被問到AK可會是她的理想男友類型，Shirley笑說：「我鍾意白白淨淨高大哨牙，AK笑咗我十幾年，話邊有人鍾意人哨牙㗎，叫我唔好搞笑，但我呢個癖好到而家都戒唔到。佢成日都問我佢靚唔靚仔，以我嘅標準，有啲進步空間囉！」

除了Shirley，拍攝當日身為歌曲作曲人的陳卓賢（Ian）及陳瑞輝（Frankie）亦有現身，Ian在現場聽著自己的作品還有現場拍攝後，都表示很喜歡AK的演繹，他說：「最鍾意後面嗰段，唱得好有力量，我同佢Style唔同，佢唱得比較Powerful，後段推進兼升Key，Full band入嚟更加澎湃。」至於Frankie因為近期學習當導演及製作上的事情，適逢導演是他與AK的好兄弟，所以特意前來偷師。對於好兄弟前來撐場，AK指二人的出現，給予他很多力量呢！