吳浩康(Deep)跟農夫合作翻唱Beyond經典歌曲〈農民〉，加入農夫創作的Rap詞改編而成的〈農民Remake〉於今日（9月4日）推出。
Beyond的〈農⺠〉相信大家都不會陌生，新歌〈農⺠Remake（feat.農夫）〉，配上農夫新填的Rap詞，講述男人之間的友誼。促成三人今次合作的原因，陸泳說是因爲Deep很想做一首關於友情的歌，但幾個男人聊友情又覺得太肉麻，Deep說道：「好多時男人嗰種友情，個關係好嘅話係唔駛講出口。想講大家見面嘅狀況，同埋見唔到面嘅時候有一種掛住喺度。」〈農⺠〉歌詞意境就很適合，C君說：「呢隻歌其實有一種形容得好型嘅嘢，『見面再喝到了薰醉』，飲咗先啦，咩是非都唔駛講，咩傷心『笑淚慘進了老井裡』，個意境好似好勁，我哋就用呢樣嘢嚟寫首友情嘅歌。」陸永更踢爆原來Deep曾經有半年的時間，每一日都會聽這首歌，所以三人絕對是一拍即合。
這次MV特地到廢棄的海水化淡廠安排進行拍攝，採用黑色作主調，襯托出男性的剛陽味。農夫透露二人已經六、七年沒拍MV，這次很開心能夠參與拍攝，陸永還笑說：「真係好高興，你唔見我哋係『仆』到嚟嘅咩？」另外，這次除了是三人的首次合作，更是C君首次以個人身份為其他歌擔任監製。C君坦言這首歌對他很重要，因為整個製作滿足了他三個願望，「自己本來有一個監製團隊，今次終於可以獨立為其他歌手監製歌曲，有一種畢業嘅感覺；另外其實一直好鍾意呢首歌嘅旋律同意境，很想翻唱，但我和陸永都不擅長唱歌，好彩有Deep先達第二個願望；第三個願望就要多謝英皇嘅資金支持，容許我用專業嘅studio，有全世界其中一枝最貴嘅咪，連天王巨星都係用佢嚟錄音。可以一嚐使用頂級器材嘅滋味，真是回味無窮。」
即聽〈農⺠Remake（feat.農夫）〉，體會男人浪漫！
