關智斌（Kenny）全新廣東歌〈暫定〉MV於27日上架，歌曲由朱敏希作曲，林若寧填詞，Cousin Fung 編曲，樂隊Dear Jane的Tim及廖志華監製。繼上次〈乾爹〉引起廣大樂迷共鳴，這次Kenny繼續以歌曲說故事，〈暫定〉可說是〈乾爹〉的延續篇。
承接上一首派台作品〈乾爹〉講述現代人的愛情觀，這次〈暫定〉則講述現代人對「永遠」及「一生一世」的看法，Kenny解說：「要背負『一生一世』呢個承諾，有啲人會諗『暫時』呢一刻你喜歡我就夠，因為永恆係由好多個暫時、好多零碎嘅moment去組成，所以今次呢首歌想表達嘅就係『暫定』呢個意義。」
MV亦配合歌曲，以零碎片段為主題，而Kenny 在跟MV導演莊少榮籌備拍攝時，便立即想到邀請顏卓靈任女主角，「我哋諗一定要搵一個演戲好，因為MV當中有好多片段，包括不同季節、不同時空、不同情緒嘅情景，情緒表達要轉換得好快，而今次MV畫面亦都想俾人有日系感覺，於是就諗起顏卓靈，而她亦好爽快咁一口答應。」
由於MV沒有劇本，很多情景都是他們二人即場jam出來，「譬如有一場鬧交戲，就係我哋臨場發揮，拍完嘅時候我真係好開心『好彩搵咗顏卓靈！』大家的默契到位，基本上兩、三take已經jam到啲好好嘅效果，所以要好多謝她能飾演『暫定』的女主角。」
顏卓靈（Cherry）亦透露二人早有淵源，「其實不久之前我哋合作咗一部電影，冇諗過咁快可以再一齊拍攝，都係演情侶，係好輕鬆，佢一搵我就即刻say yes，唔好『暫定』啦，confirm啦！哈哈。」由於MV片段零碎，Kenny打趣問顏卓靈知道自己在拍甚麼時，她便說：「同你一齊囉，『暫定』同你一齊。」乘機幫忙宣傳歌曲，認真識做。」
即聽〈暫定〉，不要講天老地老
