美秀集團
作詞：冠佑
作曲：冠佑
編曲：美秀集團／林奕碩
關佇房間 點一枝蠟燭假做聳勢
雨落袂停 害我共思念燒掉一枝閣一枝
霜風吹規暝 吹過去 吹袂走
你親像佇我心內刻字
壁頂袂反光的相片 火光一爍一爍
雄雄化去敢是你
提我無寫了的批拗做無人收的花
厝尾頂一蕊一蕊抨落去 當做流星
予我放袂記咱 鬥陣過
袂赴講出喙的話 思念是沉海的祓鍊
掠準時間會走一切收收好勢
你煞來夢中手捀紙花 我毋甘清醒
關佇房間 舉手機仔踅啊踅
和你的對話留佇舊年十一月底
雨落袂停這片天比我惜情
目睭霧 是燒袂煞的煙
提我無寫了的批 (提我無寫了的批)
拗做無人收的花 (拗做無人收的花)
厝尾頂一蕊一蕊抨落去 (一蕊一蕊)
當做流星 (當做流星)
予我放袂記咱鬥陣過 (鬥陣過)
袂赴講出喙的話 思念是沉海的祓鍊
掠準時間會走一切 收收好勢
你煞來夢中手捀紙花 我毋甘清醒
走出房間 永遠袂慣勢 無你的風景 (偷偷下願)
月色陪我稀微 毋捌看見 天光彼一日
凡勢是我數念傷澈底 雲頂飛來著火的紙花
拜託世界成全一改 閣再見你一面 佇日出以前